Memleket basshysy Qasym-Jomart Toqaev AÓSSHK Bas hatshysy Qaırat Sarybaıdy qabyldady, dep habarlaıdy Almaty-akshamy.kz
Kezdesý barysynda Memleket basshysyna Azıadaǵy ózara is-qımyl jáne senim sharalary jónindegi keńestiń qazirgi qyzmeti jáne aldaǵy damý perspektıvasy tanystyryldy, delingen Aqorda habarlamasynda.
Bas hatshy Qaırat Sarybaı Prezıdentke uıymnyń 2022 jylǵy 6-shy samıtinde qabyldanǵan AÓSSHK transformasıasy jónindegi Astana málimdemesinde kórsetilgen negizgi baǵyttardyń oryndalý barysy týraly málimet berdi.
Budan bólek, forýmnyń turaqty ınstıtýttarynyń jumysy, ornyqty ózara baılanys, qarjylyq seriktestik, ekologıa salalaryndaǵy bastamalardy belsendi júzege asyrý, sondaı-aq Azıa elderi keńistiginde jastar arasyndaǵy jáne bilim salasyndaǵy tájirıbe almasý perspektıvalary jóninde baıandaldy.
Kezdesý sońynda Qasym-Jomart Toqaev AÓSSHK maqsattary men mindetterin, sondaı-aq uıymnyń Astanada ótken 6-shy samıtinde kóterilgen bastamalardy iske asyrý mańyzdy ekenine nazar aýdardy.