Ol adasyp, aspaly jolmen túsýge úlgermeı qalǵan eken.
TJM Jedel qutqarý jasaǵy Almaty taýlarynan Koreıadan kelgen joǵalǵan týrısi qutqardy, dep habarlaıdy Almaty-akshamy.kz
23 tamyzda tańǵy saǵat 9-da Koreıa Respýblıkasynan 25 adamnan turatyn delegasıa "Kombı-1" aspaly jolymen kóterilip, Talǵar asýyna jaıaý jetken. Gıd týrıserge bos ýaqyt bergen, biraq Shymbulaqqa túsip jatqanda toptyń bir múshesi joq ekenin baıqaǵan.
24 tamyz kúni konsýldyq ókil qutqarýshylarǵa júgingen. Saǵat 12:05-te áıeldi izdeýge 7 adamnan, onyń ishinde bir kınologıalyq esepten turatyn TJM RJQJ (Respýblıkalyq jedel-qutqarý jasaǵy) qutqarýshylary shyqty.
Saǵat 14:22-de qutqarýshylar Sol jaq Talǵardan týrısi aman-esen tapty. Ol adasyp, aspaly jolmen túsýge úlgermeı qalǵan eken. Sáti túsip, týrıs úı taýyp alyp, sonda túnep shyqqan. Sheteldik áıelge medısına kómegi qajet bolǵan joq.
"TJM qutqarýshylary toptyń taýdaǵy qaýipsiz júris-turysyn eske salady: týrısik quramnyń qatarynda mindetti túrde basshy bolýy kerek. Júrip ótetin marshrýtta topty taratyp jiberýge bolmaıdy. Qozǵalys qarqynyn toptaǵy eń álsiz adamǵa qaraı anyqtaý qajet. Tek top basshysynyń ruqsatymen ǵana toptan ajyrap ketýge nemese turaqtaýǵa bolady", - dep eskertti TJM mamandary.