Densaýlyq saqtaý mınıstrligi eldegi 4 mln mektep oqýshysyna qaýipsiz jáne salaýatty orta qalyptastyrý úshin jańa oqý jylyna orta bilim berý uıymdaryndaǵy medısınalyq pýnktterdiń daıyndyǵyna monıtorıń júrgizdi, dep habarlaıdy aqshamnews.kz
5619 medısınalyq pýnktte jóndeý jumystary aıaqtalyp, qajetti dárilik zattar men shuǵyl kómek kórsetýge arnalǵan medısınalyq jabdyqtar satyp alyndy, sondaı-aq jıhazdar men tehnıka jańartyldy.
Mınıstrlik sonymen qatar mektep kestesimen sınhrondalǵan medısınalyq pýnktterdiń jumys kestesi jáne shaǵyn shtat quramy, materıaldyq-tehnıkalyq jaraqtandyrý normatıvterin anyqtaıtyn mektep medısınasy Standartyn bekitti. Bul resýrtardy meılinshe tıimdi paıdalanýǵa jáne oqýshylardyń medısınalyq kómekke qoljetimdiligin qamtamasyz etýge septik etedi.
Qazirgi tańda mekteptegi medısınalyq pýnktterde 6,9 myńnan astam maman jumys isteıdi, olar salany kadrlarmen 97% qamtıdy. Óńirlerde medbıkeler trenıń ortalyqtarynda shuǵyl kómek kórsetý boıynsha oqýdan ótti, sondaı-aq APV profılaktıkasy men ımmýndaý profılaktıkasy boıynsha semınarlarǵa qatysty.
Soǵan qosa Densaýlyq saqtaý jáne Oqý-aǵartý mınıstrlikteriniń birlesken buıryǵymen QR mektep jasyndaǵy balalardyń densaýlyǵyn nyǵaıtý boıynsha is-sharalardyń 2024-2026 jyldarǵa arnalǵan Jospary bekitildi.
QR densaýlyq saqtaý mınıstrligi mektepterge balalardyń dene belsendiligine baǵyttalǵan is-sharalardy jıi uıymdastyryp, oqýshylardyń bos ýaqytyn durys jáne belsendi ótkizýine yqpal etetin úıirmeler men sabaqtan tys baǵdarlamalardy damytýǵa keńes berdi.