QR Bilim jáne ǵylym mınıstri Asqat Aımaǵambetov osylaı dedi.
Respýblıkamyzda 7500 mektep jumys isteıdi jáne daladaǵy dárethana máselesi 50 mektepte bar, dep habarlaıdy Almaty-akshamy.kz mınıstrdiń sózine silteme jasap.
«Eki jyl buryn eldegi 2700 mekteptiń dárethanasy dalada ornalasqan edi. Jalpy, mektepterimizdiń sany 7500 ekenin eskersek, bul óte úlken paıyz. Eki jylda kúrdeli jumystar júrgizildi, qazirgi ýaqytta 50-ge jýyq kóshe dárethanalary qaldy. Bul úlken progres. Degenmen, bul óte qıyn jumys, óıtkeni sol 2700 mekteptiń kópshiliginde káriz de, sýmen jabdyqtaý da bolǵan joq. Ásirese, bul ortalyqtandyrylǵan kárizi joq, sýy joq aýyldyq eldi mekender edi», - dedi Asqat Aımaǵambetov
Mınıstrdiń aıtýynsha, kelesi oqý jyly bastalǵansha ákimdikter 50 mekteptegi dárethana máselesin tolyq sheshýge bekinip otyr.
«Jumys istep turǵan sanıtarlyq toraptarda da buzýshylyqtardyń eki túri kezdesedi: birinshisi – biz júrgizgen tekserýler dárethanalar bar ýaqytta jumys istemeıtinin kórsetedi. Sondyqtan sanıtarlyq qyzmetter olarǵa qatty aıyppul salady. Ekinshi másele – qala mektepterindegi sanıtarlyq toraptardyń jaǵdaıy», - dep atap ótti mınıstr.
A. Aımaǵambetov mektep dárethanalarynyń jaı-kúıi týraly habarlaýǵa bolatyn «jedel jelini» iske qosatynyn aıtty.
«Balalardyń quqyqtaryn qorǵaý komıteti de úkimettik emes uıymdarmen birge senim telefonyn iske qosady, bul Whatsapp jáne Telegram kanalynda bolady, óıtkeni balalarǵa osylaı yńǵaıly. Bul kóptegen adamdar aqparat jibere alatyndaı kraýdsorsıng sıaqty jasalady. Oǵan balalar, ata-analar jáne muǵalimder fotosýretti jibere alady. Tıisinshe, sanıtarlyq-epıdemıologıalyq qyzmetter men bizdiń komıtet osyndaı buzýshylyqtar bolǵan jaǵdaıda baqylaý jasaıdy», - dedi Asqat Aımaǵambetov.