Arnaıy tehnıka óte almaıtyn, qoljetimsiz oryndardy óńdeý úshin eksperımentaldy túrde drondar qoldanyla bastady dep habarlaıdy Almaty-akshamy.kz.
Bul óńdeý aýmaǵyn keńeıtýge jáne jumystyń tıimdiligin arttyrýǵa septigin tıgizedi. Bıologıalyq óńdeýdiń negizgi bóligi mehanıkalyq tásilmen aspaly búrikkishtiń kómegimen júzege asyrylady.
Sınoptıkterdiń boljamyna sáıkes, 21-27 sáýir aralyǵynda jaýyn-shashyn kútilýde. Jaýyn kezinde bıologıalyq zattardyń belsendiligi tómendeıdi. Sondyqtan jasyl jelekti bıologıalyq óńdeý jumystary ýaqytsha toqtatyldy. Óńdeýge QR aýmaǵynda qoldanýǵa ruqsat etilgen qaýiptiliktiń tómengi sanatyndaǵy bıologıalyq preparat qoldanylady. Ózindik ıisi bar, alaıda qorshaǵan ortaǵa, adamdarǵa, úı janýarlary men ózge de tiri aǵzalarǵa esh zıany joq.
Eske sala ketsek, qalada aǵashtardy zıankesterden saqtaý úshin bıologıalyq óńdeý jumystarynyń birinshi kezeńi bastaldy. Tıimdilikti arttyrý úshin jumystar túngi ýaqytta saǵ. 23:00 men 06:00 aralyǵynda júrgiziledi. Atalǵan ýaqyt mundaı jumystar úshin qolaıly bolyp sanalady, sebebi kún sáýlesi dárilik zattyń zıankesterge áserin tómendetedi.