21 sáýirde Qazaqstan Qurlyq áskerleriniń qurylǵanyna 29 jyl toldy.
Qazaqstannyń Qarýly Kúshterinde Qurlyq áskerleri kúni atap ótilýde, dep habarlaıdy Almaty-akshamy.kz QR Qorǵanys mınıstrliginiń baspasóz qyzmetine silteme jasap.
Qarýly Kúshterdiń atalǵan aýqymdy ásker túri El Prezıdentiniń Jarlyǵymen 1993 jyly sáýirde burynǵy Orta Azıa áskerı okrýginiń 40-shy jalpy áskerı armıasynyń negizinde qurylǵan bolatyn. Qazirgi ýaqytta Qurlyq áskerleriniń quramyna tórt aımaqtyq qolbasshylyq pen Desanttyq-shabýyldaý áskerleri kiredi.
«Qazaqstan Qarýly Kúshteriniń negizi sanalatyn Qurlyq áskerleriniń bas qolbasshysy retinde áskerimiz basty ózgerister men qaıta qurý jolynan ótip, qurylymy men kúndelikti tirshilik áreketi qalyptasqan ońtaıly teńgerimge qol jetkizdi dep aıta alamyn», - dedi general-maıor Talǵat Qoıbaqov.
Qarýly Kúshterdiń bul ásker túriniń negizgi mindetteri – agresıaǵa toıtarys berý úshin áskerlerdiń jaýyngerlik ázirligin qoldaý, Qazaqstan Respýblıkasynyń aýmaqtyq tutastyǵy men egemendigin qarýmen qorǵaý, memlekettik jáne áskerı obektilerdi kúzetý jáne qorǵaý, qurlyqta memlekettik shekarany qorǵaý, sondaı-aq bitimgershilik mindetterdi oryndaý.