Sondaı-aq, basshylyq joq qyzmetkerlerge jalaqy tólep otyrǵan.
Shymkent qalasy Turan aýdanynyń prokýratýrasy tekserý barysynda 6 843 837 teńge somadaǵy búdjet qarajatyn jymqyrý faktilerin anyqtady, dep habarlaıdy almaty-akshamy.kz.
Bul aqshalaı qarajat 2022-2023 jyldar aralyǵynda № 73 orta mektepti aǵymdaǵy jóndeý jumystaryn júrgizýge, ǵımaratty jylytyp ustaý úshin kómir jetkizýge búdjetten bólingen.
Odan bólek, jumys atqarmaǵanyna qaramastan 2 qyzmetkerge aı saıyn eńbekaqy tólenip otyrǵany belgili boldy (óli jandar).
"Aýdan prokýratýrasy mektep basshylyǵyna qatysty Qazaqstan Respýblıkasy Qylmystyq kodeksiniń 189-baby 3-bóliginiń 1-tarmaǵy (Senip tapsyrylǵan bóten múlikti ıemdený nemese ysyrap etý) boıynsha sotqa deıingi tergep-tekserýdi bastady.
QR QPK 201-babynyń talaptaryna sáıkes basqa aqparat jarıa etýge jatpaıdy", — dep jazdy Turan aýdanynyń prokýratýrasy.