Búgin Almatyda Uly Jeńistiń 79 jyldyǵyna oraı 15 mamyrǵa deıin jalǵasatyn aılyq bastaldy.
Barlyq UOS ardagerleri jáne olarǵa teńestirilgender úshin chek-ap ótkizilip, densaýlyq máselelerin anyqtaý úshin barlyq zerthanalyq zertteýmen keshendi tekserý júrgiziledi, qajet bolǵan jaǵdaıda mamandandyrylǵan aýrýhanalarda emdelýge, ońaltýǵa jáne atap aıtqanda, kompúterlik tomografıa, MRT, ÝDZ, elektrokardıografıa sıaqty qymbat tekserýlerge joldama beriledi. Sondaı-aq pasıenttermen psıhologtar men áleýmettik qyzmetkerler jumys isteıdi.
Sonymen qatar, dári-dármekti úıge jetkizý júzege asyrylady.
Júrip-turýy qıyn naýqastarǵa yńǵaıly bolý úshin kópbeıindi brıgadalardyń úı jaǵdaıynda medısınalyq qyzmet kórsetýi qarastyrylǵan. Joǵary tehnologıalyq jabdyqty paıdalana otyryp, tereńdetilgen tekserý qajet bolsa, ardagerler tıisti medısınalyq uıymdarǵa jetkiziledi.
Naýqandy ótkizý úshin ár emhana ardagerlerge barý kestesin ázirledi.
Onyń ústine naýqan aıasynda medısına qyzmetkerleri ardagerlerdi quttyqtap, olarǵa jylýlyq pen qamqorlyq kórsetý maqsatynda azyq-túlik sebetin tabystaıdy.
Búginde Almatyda 43 UOS ardageri men olarǵa teńestirilgen azamat turady.