Marafon áleýmettik jelide júrgiziledi.
Qyrǵyzstanda "Inısıatıva112" bastamasy búgin "Qazaqstanǵa 112 saǵat qoldaý" marafonyn ótkizedi.
"Áleýmettik jelide bolatyn shara erteń Bishkek ýaqytymen saǵat 15:00-de bastalady. Uıymdastyrýshylardyń aıtýynsha, marafonǵa qatysýǵa nıet bildirýshi kóbeıip jatyr. Olar sý tasqynynan zardap shekken barlyq qazaqstandyqqa rýhanı qoldaý kórsetkisi keledi deıdi. Tikeleı efırge álemniń ártúrli elderinen spıkerler qosylyp, qoldaý bildiredi", – delingen bastama habarlamasynda.
Eske salaıyq, Qyrǵyzstanǵa Qazaqstanǵa buǵan deıin eki márte gýmanıtarlyq kómek jiberdi.
Birinshi rette 6 sáýirde Qyrǵyzstan 300 tonna gýmanıtarlyq júk tıelgen "Kómek kerýenin" jolǵa shyǵarsa, 13 sáýirde sút ónimderinen turatyn taǵy kómek jiberdi. Onyń quramyna 10 myń lıtr aıran, 10 myń lıtr sary maı, 10 myń lıtr ósimdik maıy, 20 tonna irimshik jáne 80 tonna qurǵaq sút bar.
"Júk qyrǵyz halqynyń óz kúshimen jınaldy jáne prezıdenttiń rezer qorynan qosymsha qarajat bólindi", – delingen Qyrǵyzstan TJM habarlamasynda.