AQSH ishki ister mınıstrligi Meksıka shyǵanaǵynyń ataýyn resmı túrde Amerıka shyǵanaǵy dep ózgertý týraly sheshim qabyldady. Bul jańalyq mınıstrliktiń resmı saıtynda jarıalanyp, onyń el ekonomıkasy men ulttyq qaýipsizdigi úshin mańyzdylyǵy basa aıtyldy, dep habarlaıdy aqshamnews.kz
Mınıstrlik málimetinshe, bul sý joly AQSH-tyń saýda, energetıka jáne teńiz ónerkásibiniń strategıalyq bóligi sanalady. Shyǵanaq jaǵalaýlary munaı jáne tabıǵı gaz óndirisi, sondaı-aq, iri porttar arqyly halyqaralyq saýda aǵyny úshin erekshe mańyzǵa ıe. Ataýdy ózgertý AQSH-tyń osy aımaqtaǵy basymdyǵyn kórsetý jáne shyǵanaqtyń el múddesine sáıkes keletinin atap ótý maqsatynda júzege asyrylǵan.
Bul sheshimge qatysty ártúrli pikirler aıtylýda. Birqatar sarapshylar mundaı ataý ózgertý Meksıkamen tarıhı jáne geografıalyq baılanystardy elemeýge ákelýi múmkin degen alańdaýshylyq bildirdi. Degenmen, AQSH bıligi shyǵanaqtyń jańa ataýy onyń el úshin ekonomıkalyq jáne strategıalyq mańyzdylyǵyn kórsetýge baǵyttalǵan dep otyr.