Amerıkalyq er adam artyq maı men irimshik tutynǵannan densaýlyǵyna zıan keltirdi, dep habarlaıdy aqshamnews.kz
Florıda shtatynyń 40 jastaǵy turǵyny segiz aı boıy negizinen irimshik, sary maı jáne maıly etke negizdelgen dıetany ustanǵan. Kúndelikti ol 4 kılogramǵa deıin irimshik jep, taza sary maıdy tutynǵan jáne taǵamyna kóp mólsherde maı qosqan.
Bastapqyda mundaı dıeta oǵan salmaq tastaýǵa, energıa deńgeıin arttyrýǵa jáne shoǵyrlanýdy jaqsartýǵa kómektesken. Alaıda biraz ýaqyttan keıin ol alaqanynda, tabanynda jáne shyntaǵynda sarǵysh tústi túıinder paıda bolǵanyn baıqaǵan.
Dárigerler onyń holesterın deńgeıiniń 1000 mg/dl-ǵa jetkenin anyqtady, bul qalypty normadan bes ese joǵary. Bul jaǵdaı gıperholesterınemıanyń aýyr túrine alyp kelip, onyń qan tamyrlarynan maı bólinip, terisinde lıpıdti qabattar paıda bolýyna sebep bolǵan.