Sondyqtan olarǵa jumys barysynda jyldam reaksıa, uqyptylyq, izgilik, uıymshyldyq, stresske tózimdilik sıaqty daǵdylar men jeke qasıetter aýadaı qajet.
Kardıologıa jáne ishki aýrýlar ǴZI basqarma tóraǵasy Marat Pashımovtyń aıtýynsha, dárigerdiń jumysyn meıirgersiz elestetý qıyn. Olardyń moınynda – dárigerdiń barlyq taǵaıyndaýyn qatań oryndaý, pasıentterge kútim jasaý jáne olarǵa bilikti kómek kórsetý. Olardyń pasıentterdi emdeýdegi róli de asa zor.
«Meıirgerler únemi bilimin jetildirip otyrýy kerek. Jańa bilimdi ıgere otyryp, olar óz jumystaryn sapaly ári tıimdi oryndaı alady. Biz jyl saıyn meıirgerlerimizdi oqýǵa jiberemiz. Mysaly, bıyl ǵana kardıohırýrgıa bólimshesiniń aǵa meıirgeri, operasıalyq meıirger jáne anestezıst meıirger jaqyn jáne alys shetelderdiń jetekshi medısınalyq ortalyqtarymen yntymaqtastyq aıasynda Kaýnas qalasyndaǵy Lıtva densaýlyq ǵylymdary ýnıversıtetiniń aýrýhanasynda taǵylymdamadan ótti. Basqalary Astana qalasyndaǵy Ulttyq ǵylymı kardıohırýrgıalyq ortalyqta LVAD keıin pasıentterdi operasıadan keıingi baqylaý, QDSJM Qazaqstan medısına ýnıversıtetinde qazirgi jaǵdaıda meıirbıke isin uıymdastyrý boıynsha bilimderin jetildirdi», – deıdi Kardıologıa jáne ishki aýrýlar ǴZI basqarma tóraǵasy Marat Pashımov.
Yntymaqtastyq týraly memorandým sheńberinde ǴZI úshin «Sýnchonhán» ýnıversıtettik medısınalyq ortalyǵymen (Ońtústik Koreıa, Pýchon q.), National Hospital Organization Nagasaki Medical Center, Pıza ýnıversıtetiniń dıplomnan keıingi bilim berý kardıologıa ınstıtýtymen (Italıa) jáne basqa da álemdik ortalyqtarmen medısına qyzmetkerleri úshin kásibı taǵylymdamalar uıymdastyrý, mamandardyń biliktiligin arttyrý týraly kelisimge qol jetkizildi.
Nátıjesinde qanshama meıirbıkeniń kásibı sheberligi, meıirimdi júreginiń arqasynda talaı adam aýrýynan saýyǵyp, otbasyna oralýda. Osy oraıda Marat Orynbasaruly búgingi merekede Aıdana Syzdyqova (kardıologıa bólimshesi), Adılám Mýsaeva (qabyldaý bólimshesi), Oksana Lakısova (reanımasıa bólimshesi), Halmýrat Sydyqov (sáýlelik dıagnostıka bólimshesi), Gúlbaný Ábdal (kardıohırýrgıa bólimshesiniń operasıalyq meıirgeri) syndy abyroıly áriptesterin erekeshe atap ótti. Meıirger mamandyǵy árdaıym trendte.