Jol qurylysy maýsymy aıasynda mınıstr Marat Qarabaev bastaǵan kólik mınıstrliginiń ókilderi el óńirlerine turaqty túrde jumys saparyn júrgizýde.
Sala mınıstri jumys saparymen Qyzylorda, Túrkistan oblystary men Shymkent qalasyna bardy. Sapar barysynda mınıstr birqatar ınfraqurylym nysandarynyń qurylysymen tanysty, dep habarlaıdy Almaty-akshamy.kz.
Memleket basshysynyń byltyr qazan aıyndaǵy Qyzylorda oblysyna jumys sapary aıasynda bergen tapsyrmasyna sáıkes bul ýchaskedegi jumystar asa mańyzdylyqqa ıe. Marat Qarabaev respýblıkalyq mańyzy bar M-32 "Samara-SHymkent" kúre jolynyń "Qyzylorda-Sekseýil" ýchaskesinde qolǵa alynǵan jumystardy tekserdi. Qyzylordadan Sekseýilge deıin qaıta qurý jumystarymen 463 shaqyrym jol qamtylady.
Sonymen qatar Shaqpaq baba asýy arqyly ótetin elmizdegi alǵashqy avtomobıl týnneliniń qurylysy qashan aıaqtalatyny belgili boldy.
"Bıyl jazda Shaqpaq baba asýy arqyly ótetin týneldiń qurylysyn aıaqtap, halyqqa paıdalanýǵa berý josparlanyp otyr. Beton jáne asfáltbeton jumystary tolyǵymen aıaqtaldy, sondaı-aq jaryqtandyrý ornatyldy. Qazir beınebaqylaý jáne gaz qubyrlaryn ótkizý, jeldetý men órtke qarsy qural-jabdyqtar ornatý jumystary júrgizilýde. Basty jumystar aıaqtaldy", - dep atap ótti avtomobıl joldary komıtetiniń ókilderi.
Ashylǵaly jatqan týnel kólik júrgizýshilerine qysta Shaqpaq baba asýynda borandy kúnderi qar qursaýynda qalyp ketpeýine jol ashady.