Jınaq tarıh ǵylymdarynyń doktory, akademık Mámbet Qoıgeldıevtiń jetekshiligimen jaryq kórdi.
Eńbekte Alash isine qatysty 1927-1930 jáne 1930-1932 jyldar aralyǵyndaǵy KSRO-nyń Birikken memlekettik saıası basqarmasy júrgizgen jasandy tergeý isteriniń qujattary men materıaldary qamtylǵan, dep habarlaıdy Almaty-akshamy.kz.
İs-sharaǵa alashtanýshy ǵalymdar, jas izdenýshiler, joǵary oqý oryndarynyń oqytýshylary men stýdentteri qatysty. Jınastyrýshylardyń sózinshe, memleket basshysynyń saıası qýǵyn-súrgin qurbandaryn aqtaý týraly jarlyǵynyń arqasynda ǵasyrǵa jýyq ýaqyt jabyq jatqan qujattyq qorlar ashylǵan. Budan bólek qazir prezıdent arhıvinde jınaqtalǵan tergeý materıaldary boıynsha 12 tomdyq «Alash Ordashy» degen kitap daıarlanǵan. Jınaq jyl sońyna deıin jaryq kóredi dep josparlanǵan.
«Tomdar arqyly oqyrman «Alash isi» degen ne? Alash sot prosesi qalaı júrdi? Onda ne týraly aıtyldy? Alashtyń oı-armany, maqsaty ne ekendigi aıtylady osy qujattarda. Bul kitaptar belgili dárejede jetken bizge Alashtyń amanaty dep aıtýǵa bolady. Sondyqtan bul 100 jyldan beri óziniń kezegin kútip jatqan qujattar», - deıdi tarıh ǵylymdarynyń doktory Mámbet Qoıgeldıev.