Halyqqa tegin medısınalyq kómek kórsetken.
Bul týraly «Medısınalyq poıyzdar» qaıyrymdylyq jobasynyń aıaqtalýyna baılanysty ótken baspasóz máslıhatynda belgili boldy, dep habarlaıdy Almaty-akshamy.kz Baq.kz cilteme jasap.
Belgili bolǵandaı, poıyz 6 aı boıy shalǵaıdaǵy eldimekenderdi aralap, halyqqa tegin medısınalyq kómek kórsetken.
«Jalpy Samruk-Kazyna Trust qorynyń 2022 jylǵa arnalǵan qaıyrymdylyq búdjeti 10 mlrd teńgeni quraıdy. Onyń ishinde 9 aıda 7,1 mlrd teńge ıgerildi. Bul rette el boıynsha 44 joba iske asyrylýda, onyń 30-y bıyl Qamqorshylyq keńestiń maquldaýyna ıe boldy. Sol jobalardyń biri – «Medısınalyq poıyzdar». Bizdiń Qor 760 mln teńgege jýyq qarjyǵa qyzmetin tolyq qamtamasyz etken jobanyń arqasynda shalǵaıda ornalasqan eldimeken turǵyndaryna tegin medısınalyq kómek kórsetildi. Biz úshin bul jobanyń mańyzy zor. Óıtkeni osynyń arqasynda halyq densaýlyǵyn jaqsartýǵa, alys aýdandar men aýyl turǵyndaryna qajet qyzmet túrlerin qoljetimdi etýge múmkindik týdy. Aqjoltaı quramnyń arqasynda kóptegen el turǵyndary tegin ári sapaly medısınalyq kómek alyp, ómir súrý sapasy joǵarylaýda», – dep atap ótti qordyń áleýmettik jobalardy damytý qorynyń bas dırektory Alfıa Ádıeva.
Joba boıynsha el aýmaǵyndaǵy beketterde zamanaýı dıagnostıkalyq jabdyqtar ornatylǵan «Salamatty Qazaqstan» jáne «Járdem» medısınalyq poıyzdarynyń mamandary kómek kórsetken. Medısınalyq poıyzdar búkil respýblıkany aralap, 147 bekettin turǵyndaryn demalyssyz qabyldaǵan. Jumys barysynda barlyǵy 80 649 qazaqstandyqqa emdeý-konsýltasıalyq qyzmet kórsetilip, onyń ishinde 21 867 bala qaraldy. 5 097 shaǵyn hırýrgıalyq operasıa jasalyp, 26 587 adamǵa stomatologıalyq kómek kórsetildi. «Járdem» medısınalyq poıyz mamandary 59 bala súndetteldi. Medısınalyq poıyzdarda barlyǵy 389 388 dárigerlik qabyldaý boldy.
Salystyra ketsek, pandemıaǵa deıingi 2019 jyly jobaǵa qatysqan mamandar 273 eldimekendi aralap, 63 000-nan asa turǵyn medısınalyq tekseristen ótken.