Birlesken jumystyń nátıjesi.
Qazaqstandyqtar ózderiniń barlyq medısınalyq derekterin EGOV mobile qosymshasy arqyly kóre alady, bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın Facebook paraqshasy arqyly jetkizdi, dep habarlaıdy Almaty-akshamy.kz.
«Dostar! Jaǵymdy jańalyq! Endi qazaqstandyqtar ózderiniń barlyq medısınalyq derekterin EGOV mobile qosymshasy arqyly kóre alady. Iaǵnı, barlyq aqparat bir bólimde shoǵyrlanady. Dári-dármekterdi taǵaıyndaý, dıspanserlik esepke alý, medısınalyq anyqtamalar, vaksınasıa, aýrýhanaǵa jatqyzý, emdelý týraly málimetter jáne basqa da mańyzdy aqparat, sonyń ishinde balalar týraly aqparat eDensaulyq bóliminde qoljetimdi bolady»,- dep jazdy mınıstr.
Onyń aıtýynsha ,munyń bári - biryńǵaı medısınalyq servısti qurý baǵytyndaǵy Densaýlyq saqtaý mınıstrligimen birlesken jumystyń nátıjesi.
«eDensaulyq bólimi Qazaqstan azamattarynyń medısınalyq derekterimen tolyǵa beredi. Sıfrlandyrý júrgen jerde ashyqtyq prınsıpi qashanda birinshi orynda. Biz osy qosymshany engizý arqyly sybaılas jemqorlyq táýekelderin týdyratyn kedergilerdi joıýǵa nıettimiz. Budan bólek, paıdalanýshy qosymshada kórsetilgen aqparatpen kelispese, onda siz call (1406) ortalyǵyna nemese áleýmettik medısınalyq saqtandyrý qorynyń Telegram-boty arqyly ótinishin bildire alady. Osylaısha, tıisti máseleler nazarǵa alynyp, olqylyqtar joıylatyn bolady», - dedi Baǵdat Mýsın.