Bul shara 25 jeltoqsanǵa belgilengen.
Almatydaǵy «Medeý» bıik taýly sport kesheniniń 50 jyldyǵyna oraı muz aıdyny aýmaǵynda saltanatty mereke ótedi, dep habarlaıdy Almaty-akshamy.kz
Almatylyqtar men qala qonaqtary mánerlep syrǵanaýdan tanymal sport juldyzdary Roman Kostomarov, Evgenıa Medvedeva, Tatána Totmánına, Maksım Marının, Oksana Domnına, Maksım Shabalın jáne Morıs Kvıtelashvılıdiń qatysýymen bolatyn shoýdy tamashalaıdy.
Muz aıdyny aýmaǵynda birqatar kóńil kóteretin ınteraktıvti alańdar men tarıhı aımaqtar bolady.
Mereke kórnekti qazaq sportshylary men jattyqtyrýshylarynyń sherýimen ashylady. Sondaı-aq muz aıdynynda óziniń erekshe baǵdarlamasymen qazaqstandyq mánerlep syrǵanaýshy, 2019 jylǵy álem chempıonatynyń kúmis júldegeri, 2019 jylǵy Qysqy Ýnıversıadanyń kúmis júldegeri jáne II Qysqy jasóspirimder Olımpıadasynyń qola júldegeri Elızabet Tursynbaeva óner kórsetedi.
Mereke aıasynda Anastasıa Ignatevanyń dırıjerlik etýimen aty ańyzǵa aınalǵan «Muzdy sımfonıa» muz baleti men Ilá Overbýhtyń «Júrek te janyp tur» gala-shoýy ótedi. Sondaı-aq, qonaqtar qazaqtyń tuńǵysh muz shoýy «Olumpic Show» qoıylymyn tamashalaı alady.
Merekeniń sharyqtaý shegi -qazaqstandyq ártis ári ánshi Moldanazardyń keshki konserti. «Medeý» bıik taýly sport kesheniniń saltanaty merekelik túngi otshashýmen aıaqtalady.
Ótetin kúni men ýaqyty: 25 jeltoqsan kúni saǵat 13:30-da baspasóz máslıhaty bolady, merekelik baǵdarlama saǵat 15:00-de bastalady.