Bul týraly Qazaqstan avtobıznes qaýymdastyǵy habarlady.
Qańtar-qarashada Qazaqstanda 90 434 jeńil kólik (+32,3%), 6 575 júk kóligi, 1 158 avtobýs (+13,6%), 623 tirkeme/jartylaı tirkeme jáne 456 basqa mamandandyrylǵan tehnıka shyǵaryldy, dep habarlaıdy Almaty-akshamy.kz
Qazaqstandaǵy kásiporyndarda ónimderi ıgeriletin eń tanymal brendterdiń úzdik bestigin (eksportty qosqanda) Chevrolet (34 360), Hyundai (33 223), Kia (13 384), JAC (6 400 birlik) jáne Lada (4 877 birlik) qurady. Eń tanymal modelder qatarynda Chevrolet Cobalt, Hyundai Tucson jáne Chevrolet Nexia tur.
Qostanaıdaǵy «SaryarqaAvtoÓnerkásip» kásiporny eń kóp kólik shyǵardy. Munda ótken jyly daıyndalǵan kólik sany 50 012 (+20%) bolsa, bıyl 60 029 kólik shyǵaryldy. Almatydaǵy Hyundai Trans Kazakhstan óndiristi 33 223 kólikke (+46,8%) deıin ulǵaıtty. Semeıdegi "SemAZ" 2 117 komersıalyq tehnıka shyǵardy.
Kókshetaýda «KAMAZ Injınırıń» 1 117 júk kóligin, almatylyq Hyundai Trans Auto 958 komersıalyq tehnıka (+39%), Qaraǵandy oblysynda QazTehna 449 avtobýs, Daewoo Bus Kazakhstan 182 tehnıka shyǵardy.