2019 jyly engizilgen bul shekteý 6 aı saıyn uzartylyp keledi.
Resmı statısıka boıynsha, bıyl elimizden shet memleketterge orman aǵashy shyǵarylǵan joq, dep habarlaıdy Almaty-akshamy.kz Indýstrıa jáne ınfraqurylymdyq damý mınıstrligine silteme jasap.
9 jeltoqsannan bastap Qazaqstan aýmaǵynan aǵash materıaldarynyń jekelegen túrin áketýge tyıym salyndy.
Tyıym otandyq taýar óndirýshilerdi, aǵash óńdeýshilerdi jáne jıhaz ónerkásibimen aınalysatyn kásiporyndardy qoldaý jáne orman qoryn saqtaý maqsatynda engizilip otyr.
«Eger de orman qory Qazaqstan aýmaǵynyń shamamen 15%-yn alyp jatqanyn eskersek, óńdeýge tek 4-5%-y ǵana beriletinin umytpaý qajet. Bul oraıda qorshaǵan ortany qorǵap, ormandy alqapty ulǵaıtý úshin elimizden aǵash materıaldaryn áketýge tyıym salynatynyn eskertemiz. Resmı statısıka boıynsha, bıyl elimizden shet memleketterge orman aǵashy shyǵarylǵan joq», - dedi Indýstrıalyq damý komıtetiniń qurylys ındýstrıasy jáne aǵash óńdeý ónerkásibi basqarmasynyń basshysy Muhamed Andakov.
Bul buıryqta temirjol nemese tramvaı joldaryna arnalyp, qylqan japyraqty tuqymdardan jasalǵan aǵash shpaldar esepke alynbaıdy.