Medeý muz aıdynynda «Jas Energy» jappaı syrǵanaý sharasy ótti
Qalalyq Polısıa departamenti men Jastar saıasatyn damytý memlekettik qory uıymdastyrǵan jıynǵa Almatynyń belsendi stýdentteri qatysyp, tegin kónkı tepti, dep habarlaıdy Almaty-akshamy.kz
Táýelsizdiktiń 30 jyldyǵy qarsańynda ótken demalys sharasynda patrıottyq ánder shyrqalyp, túrli kórinister sahnalandy.
«Osyndaı is-sharalar jastardyń áleýetin kóteredi degen oıdamyn. Tek qana sporttyq emes, densaýlyq, kóńil kóterý turǵysynan tamasha shara bolyp jatyr», – deıdi stýdent Arman Tasqalıev.
Odan bólek, tártip saqshylary jastarǵa salaýatty ómir saltyn nasıhattaý maqsatynda esirtkige qarsy túsindirý jumystaryn júrgizip, zıandy zattardan aýlaq bolýǵa shaqyrdy. Al uıymdastyrýshylar mundaı sharalardy aldaǵy ýaqytta da ótkizýdi josparlap otyr.
«Jastarǵa aıtaıyn degenim, bizdiń uranymyz – salaýatty ómir saltyn súrý. Sportpen aınalysyńdar, biz esirtkige qarsymyz», – dedi PD esirtkige qarsy is-qımyl basqarmasy basshysynyń orynbasary Saǵyndyq Aıaǵanov.
«Biz mundaı sharalardy únemi uıymdastyryp otyramyz. Jastar qashanda belsendi bolý kerek. Qala jastaryna aıtarym, mundaı demalystardan tys qalmaı, bizdiń qatarymyzǵa qosylyńyzdar», – deıdi uıymdastyrýshy Aleksandra Martynchık.