Qazaqstan qyzdar quramasy «Dáýlet» tenıs ortalyǵynda 12 jasqa deıingiler arasynda márege jetken Azıa komandalyq birinshiliginiń (ITF Asian 12&Under Team Championships 2021) chempıony atandy, dep Almaty-akshamy.kz
Qazaqstan tenıs federasıasy málim etkenindeı, Mádına Rahımniń shákirtteri fınalda Úndistan quramasyn 2:0 esebimen utty. Aldymen Evelına Balaganskaıa kortqa shyqty.
Birinshi partıada qarsylasyna 2:6 esebimen ese jibergenimen, sodan keıin jınala bildi – 6:2, 7:5. Ekinshi kezdesýde Eva Korysheva machty qarqyndy bastap, birinshi sette esepti 4:0-ge jetkizdi. Kelesi geımde qarsylasy básekeni jalǵastyrýdan bas tartty.
Qazaqstan quramasynyń kapıtany Mádına Rahım shákirtteriniń jeńis úshin bar kúshterin jumsaǵanyn jetkizdi. Ókinishke qaraı, qazaqstandyq uldar fınalda Pákistan komandasynan jeńilip qaldy.
Sheshýshi básekede juptyq synda Madıar Taǵybekov pen Iaroslav Pshenıchnyı sýper taı-breıkte utyldy – 4:6, 7:6 (7:5), 10:12.