Joq kıimderdi satyp, aqsha jymqyrǵan eki stýdenttiń qylmystary ashyldy
Almatyda eki stýdent joq áıelder kıimin satý arqyly paıda kórmek boldy, dep habarlaıdy Almaty-akshamy.kz Polisia.kz-ke silteme jasap.
Birneshe qylmysty jasady degen kúdikke N.esimdi jáne K.esimdi azamat ilikti. Ekeýi de 20 jasta.
«Jastar tanymal áleýmettik jeli arqyly joq áıelder kıimderin satýmen aınalysqan. Olar taýardyń tómen baǵasyn kórsete otyryp, paıdakúnemdik maqsatta jalǵan paraqsha ashyp, bóten jarnamalardyń sýretterin ornalastyrǵany anyqtaldy. Klıenttermen kelissózderdi tek Instagram arqyly júrgizgen jáne nıetteriniń tazalyǵyna sendirgen. Tólemdi bank shotyna aýdarýdy usynǵan. Jábirlenýshiler aqsha jibergen kezde olar dereý akkaýnttyń atyn ózgertken jáne ony buǵattaǵan. Qazirgi ýaqytta polısıaǵa tórt adam aryzdandy», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Qyzylorda men Aqtóbe oblystarynyń týmalarynda buǵan deıin zańǵa qatysty eshqandaı qıyndyqtary bolmaǵan. Qazir “kásipkerler” ýaqytsha ustaý ızolátoryna qamaldy. Qylmystyq is QR QK-niń 190-baby boıynsha tergelýde. Polısıa kúdiktilerdiń osyǵan uqsas basqa da qylmystarǵa qatysy bar-joǵyn tekserip jatyr, zardap shekkender sany áldeqaıda kóp bolýy múmkin.