«Medeý» muz aıdynynyń jańa maýsymy ashylǵan kúni kelýshiler úshin saltanatty baǵdarlama men konsert qarastyrylǵan
Almatyda 1 qarashada «Medeý» muz aıdyny tehnıkalyq rejımde iske qosylady, oǵan barlyq tilek bildirýshiler seans kestesine sáıkes bara alady. 2 qarashada «Medeý» bıik taýly muz aıdynynda jappaı syrǵanaýdyń jańa maýsymynyń saltanatty ashylýy ótedi, dep habarlaıdy aqshamnews.kz
Saltanatty ashylý baǵdarlamasy saǵat 12:00-den 15:30-ǵa deıin jalǵasady.
Kelýshiler úshin qazaqstandyq estrada juldyzdarynyń qatysýymen konserttik baǵdarlama qarastyrylǵan. Keshki saǵat 17.00-den 20.00-ge deıin qonaqtar konkýrstarǵa qatysyp, keshti júrgizýshi men dıdjeıdiń syılyqtaryn alady jáne dıskotekaǵa qatysady.
Jańa maýsymda kelýshilerdi kúndelikti jappaı syrǵanaý seanstary, merekelik is-sharalar jáne sporttyq jarystar kútedi. Nıet bildirýshiler kónkıdi jalǵa alyp, demalys aımaǵyn paıdalana alady. Qonaqtarǵa yńǵaıly bolý úshin muz aıdyny aýmaǵynda fastfýd pýnktteri uıymdastyrylady.
Almaty qalasy sport ǵımarattarynyń dıreksıasy qala turǵyndary men qonaqtaryna kasalardaǵy kezekterdi boldyrmaý jáne týrnıket júıesi arqyly jyldam ótýdi uıymdastyrý, keptelister men turaq qıyndyqtaryn boldyrmaý úshin bıletterdi www.medeu.kz resmı saıt arqyly satyp alýdy jáne qoǵamdyq kólikterdi paıdalanýdy usynady.
Ashylý kúni №12 avtobýs baǵytyn «Medeý» bıik taýly muz aıdynyna deıin ulǵaıtý josparlanýda. Avtobýstar jumys kúnderi saǵat 8:00-den 00:00-ge deıin jáne demalys kúnderi saǵat 8:00-den 01:00-ge deıin júredi.
Kólik júretin oryndardy 2GIS qyzmetinen tabýǵa bolady.