2024 jyldyń 9 aıynyń qorytyndysy boıynsha Qazaqstanda 5 myńnan astam traktor men kombaın shyǵaryldy, dep habarlaıdy aqshamnews.kz
Aýyl sharýashylyǵy mashınalaryn jasaýda sońǵy 5 jylda óndiris kólemi zattaı túrde 4 esege ósti. Bıylǵy 9 aıdyń qorytyndysy boıynsha 5 myńnan astam traktor men kombaın shyǵaryldy. Mundaı málimetterdi Úkimet otyrysynda ónerkásip jáne qurylys mınıstri Qanat Sharlapaev aıtty.
Qazaqstandyq aýyl sharýashylyǵy taýaryn óndirýshiler otandyq óndiristiń, onyń ishinde CLAAS, Horsch, Deutz Fahr álemdik brendteriniń zamanaýı tehnıkasymen qamtamasyz etilgen. Bıyl jańa iri ınvestorlar – Amazone jáne Zoomlion keldi.
İri gabarıtti bólshekter óndirisi iske qosyldy: traktor kabınalary men kombaın býnkerleri. Óndirýshiler men sabaqtas óndirister arasynda kooperasıa jolǵa qoıylǵan. Qostanaı qalasynda Lokalızasıa ortalyǵy quryldy, onda komponenttik bazany óndirý boıynsha sehtar uıymdastyryldy.
Sektordy odan ári damytý aspaly jáne tirkemeli tehnıka shyǵarýdy ulǵaıtýǵa baǵyttalatyn bolady.