Taýlardaǵy nóser jańbyrdyń saldarynan sýdyń laılaný deńgeıi ózgergen joq, bul súzgi stansıasynda sý tazartý úderisin bastaýdy qıyndatty.
Alaıda Medeý aýdanynyń ońtústik bóliginde sýmen jabdyqtaý júıesin qalpyna keltirýdiń arqasynda jer asty kózderinen qosymsha tirshilik nárin alyp, keste boıynsha sý berýdi toqtatpaýǵa múmkindik týdy, dep habarlaıdy Almaty-akshamy.kz.
«Suńqar» shańǵy tramplınderi kesheniniń batysynda ornalasqan «Tramplınder» sorǵy stansıasyn iske qosý nátıjesinde «Esentaı» TÚK, «Taýshatyr» TÚK, «Aqbota» TÚK jáne Medeý aýdanynyń birneshe turǵyn úı keshenin sýmen qamtýdy qalpyna keltirýge jol ashyldy. Súzgi stansıasy arqyly turaqty sýmen qamtamasyz etý úshin laılylyq deńgeıi 30-40 mg/dm3 deıin tómendeýi kerek. Qazirgi ol 148-300 mg/dm3 aralyǵynda. Sýǵa saǵat saıyn zerthanalyq zertteý júrgizilip otyr.