IýNESKO uıymy mekteptegi sabaqtarda smartfondy qoldanýǵa tyıym salýǵa shaqyrdy.
Mamandardyń aıtýynsha, oqýshylar nazary gadjetterge aýyp, oqý úlgerimi tómendep ketken. Sondaı-aq uıaly telefonǵa telmirgen balalardyń kórý qabileti de kóńil kónshitpeıdi, dep habarlaıdy Almaty-akshamy.kz .24.kz-ke silteme jasap.
IýNESKO-nyń zertteýleri boıynsha mektepterde tehnologıalyq qurylǵylar, ásirese smartfondar men kompúterlerdi oqýshylar tym kóp qoldanady. Sarapshylar tek qajetine qaraı paıdalanyp, bul isti tájirıbeli ustazdar basqarýy tıis deıdi.
- Bilim berý salasynda tehnologıalardy qoldanýda muqıat bolý kerek. Ol oqý sapasyn kóterýge baǵyttalýy qajet jáne oqýshylar men muǵalimderge zıan keltirmeýi tıis, -deıdi «IýNESKO» uıymynyń bas dırektory Odrı Azýle.
Baıandama avtorlary belgili daǵdylar ıgerý jáne naqty ǵylymı salalarda bilimin jetildirýge jańa tehnologıalar paıdaly bolatynyn moıyndap otyr. Biraq balalarǵa keri áseri tımes úshin mektep muǵalimderi osy salany qadaǵalaýy kerek. Álemniń árbir tórtinshi elinde mektepterde smartfondarǵa tyıym salynǵan. Bul tizimde osyndaı shekteýdi 2018 jyly engizgen Fransıa bar. Italıada muǵalimder tańerteń oqýshylardyń smartfondaryn jınap alyp, oqýy bitkende qaıtarady. 2024 jyly olardyń qataryna Fınlándıa men Nıderland qosylady.
- Bilim berý men oqý prosesterinde jańa tehnologıalardyń bolǵany durys. Biraq ol adamdardyń jumysyna, densaýlyǵyna zıanyn keltirmeýi tıis,-deıdi baıandama avtory Manos Antonınıs.
Sońǵy 20 jylda kóptegen mektepterde qaǵazdyń ornyna ekrandardy qoldana bastady. Oqýshylar kitap oqymaı, ınternetten aqparat alatyn boldy. Al pandemıa bul úrdisti tezdetip jiberdi. Mıllıondaǵan bala onlaın oqýǵa kóshti. Tehnologıaǵa qumarlyq bilim berý salasyna qymbatqa túsip otyr. Osy qarajatty ustazdardyń jalaqysyn kóterýge jáne turmysy nashar oqýshylarǵa kitap satyp alýǵa jumsalǵany jón, - deıdi uıym ókilderi.
Istochnık: https://24.kz/kz/zha-aly-tar/lemde/item/611171-yunesko-jymy-mektepte-smartfon-oldanu-a-tyjym-salu-a-sha-yrdy
Lúboe ıspolzovanıe materıalov dopýskaetsá tolko prı nalıchıı gıperssylkı na www