Búgingi kezdesýde osy týraly sóz qozǵaldy.
Qala basshysynyń aıtýynsha, atalǵan oryn turǵyn úı keshenin salýǵa arnalmaǵan, dep habarlaıdy Almaty-akshamy.kz
«Taý-qyrattyń joǵary jaǵynda zırat (Medeý aýdany, Ospanov kóshesi) bar, al onyń aınalasyna turǵyn úı kesheni salynýda, sonyń kesirinen zırat jermen-jeksen bolaıyn dep tur» degen másele kóterdi kezdesýge kelgen turǵyn.
«Bul ýchaskede kóp páterli turǵyn úı keshenin salý kózdelmegen. Ózderińiz biletindeı, ál-Farabıden joǵary kóp páterli turǵyn úı keshenderin salýǵa tyıym salynady. Jer ákimshilik korpýsy bar jeke turǵyn úı qurylysyna (JTQ) arnalǵan. Ókinishke qaraı, siz aıtyp otyrǵan zırat tirkelmegen (eskerilmegen jerleý oryndary, 50-shi jyldardaǵy zırat İle aýdanyna qarasty - turǵynnyń eskertpesi) jáne ol tipti qala kartasynda joq. Men zırattyń mártebesin suryptaýdy tapsyrdym. Qala qurylysyn baqylaý basqarmasy búginde jumystardy toqtatty, óıtkeni qala qurylysqa ruqsat bermedi. Shuńqyr zańsyz qazyldy – azamattardyń mundaı bastamasy toqtatylady», - dep jaýap berdi Almaty qalasynyń ákimi Erbolat Dosaev.
Anyqtama: Qazirgi ýaqytta Almaty qalasynyń qala qurylysyn baqylaý basqarmasy menshik ıeleriniń birine qatysty jobalaý-smetalyq qujattamasyz shuńqyr qazý boıynsha qurylys-montaj jumystaryn júrgizgeni úshin ákimshilik sharalar qoldanylatyn bolady.