Adamzattyń muraǵat murasyn talqylaý úshin álemniń 200 elinen muraǵatshylar keldi.
Óńirlik komýnıkasıalar qyzmetiniń alańynda «Ashyq qoǵamǵa – ashyq arhıv» atty muraǵatshylardyń birinshi halyqaralyq kongresine arnalǵan brıfıń ótti, dep habarlaıdy Almaty-akshamy.kz
Sheteldik sarapshylar ÓKQ-ne kelip, ózderiniń is-sharaǵa qatysýy týraly aıtty.
Kongrestiń uıymdastyrylýy men ótkizilýin QR Mádenıet jáne sport mınıstrligi, QR Syrtqy ister mınıstrligi jáne Almaty qalasynyń ákimdigi qoldady.
QR Prezıdenti Arhıviniń dırektory Álıa Mustafına Almaty metrosynyń 4 stansasynda muraǵat isin keńinen nasıhattaý maqsatynda muraǵat qujattarynyń, túrli tarıhı kezeńderdiń kórmesi qoıylǵanyn, budan bólek, «Meniń otbasymnyń tarıhy muraǵat qujattarynda» atty balalar baıqaýynyń qorytyndysy shyǵaryldy.
«Baıqaýǵa 70-ten astam almatylyq oqýshy qatysyp, óz jumystaryn usyndy. Keshe jeńimpazdardy marapattaý rásimi ótti. Sondaı-aq, Kongres formaty úsh belsendi jumys kúnge josparlanǵanyn atap ótkim keledi, onyń barysynda ártúrli taqyryptarda 8 alań uıymdastyryldy. Bul – muraǵattardyń qoljetimdiligi, arhıvterdi sıfrlandyrý, muraǵat isi jáne qujat júrgizý salasyndaǵy mamandardy oqytý, daıarlaý máseleleri», - dedi Á.Mustafına.
Máselen, búgin Halyqaralyq ahıvter keńesi qyzmetiniń keńeıtilgen tanystyrylymy ótip jatyr. Taǵy bir taqyryp – ınovasıalyq tehnologıalardy engizý jáne paıdalaný. Bul baǵyttaǵy qazaqstandyq muraǵatshylardyń tájirıbesi sheteldik qonaqtardyń qyzyǵýshylyǵyn týdyrdy. Bul - shamamen 200 myń saqtaý birligi jáne 4 mıllıon qujat.
Forýmǵa Halyqaralyq arhıvter keńesiniń atqarýshy dırektory Carlos Serrano Vasquez qatysty.
«Muraǵat adam quqyqtarymen baılanysty, óıtkeni onda saqtalǵan aqparatqa barlyq adamdar qol jetkizýge quqyly. Muraǵat derekterin sıfrlandyrýǵa nazar aýdaryp otyrǵanymyzdy aıta ketý óte mańyzdy», - dedi sheteldik delegat.
ÓKQ brıfıńine qatysqan taǵy bir qonaq Iordanıa Hashımıt Koroldiginiń Ulttyq kitaphanasynyń bas dırektory Nidal Ibrahim Muhammad AL-AHMAD Almatyda ótkizilip jatqan Kongresten alǵan áseri jaıly aıtty. Ol qazaqstandyq tarapqa osy sharany uıymdastyryp, álemdik mura úshin qujattardy saqtaýda qosyp jatqan úlesi úshin alǵys aıtty.
«Osy Forýmnyń arqasynda biz problemalyq máselelerdi birlesip sheshe alamyz, muraǵat derekterin saqtaı alamyz, birige alamyz. Bir elge qatysty kóptegen muraǵat qujattarynyń basqa elde saqtalýy da jıi kezdesedi, al osyndaı sharalardyń arqasynda keri baılanysty qoldaı otyryp, aqparat almasýdamyz», - dedi Iordanıadan kelgen qonaq.
Kongres aıasynda muraǵat isin jan-jaqty jańǵyrtý úshin búgingi tańda qoldanýǵa jáne engizýge bolatyn jańa tehnologıalar men quraldar salasyndaǵy ózekti tendensıalardy talqylaý úshin kásibı alańdar uıymdastyrylady.