Almatynyń Medeý aýdanynda jańa qoǵamdyq keńistikter qurylýda, sondaı-aq tarıhı kelbetin saqtaı otyryp, ǵımarattarǵa kúrdeli jóndeý júrgizilýde. Shilde aıynda jeke qarajat esebinen QR Prezıdenti janyndaǵy Ulttyq Ǵylym akademıasynyń ǵımaraty - sáýlet eskertkishin kúrdeli jóndeý jáne qalpyna keltirý jumystary bastaldy. Bul týraly Medeý aýdanynyń ákimi Erkebulan Orazalın Almatyda ótken ÓKQ brıfıńinde aıtty.
«Jobada ǵımarattyń qasbeti, shatyry, ınjenerlik jelilerdi aýystyrý boıynsha keshendi jóndeý, ishki árleý jumystary, sondaı - aq irgeles aýmaqtardy-SHoqan Ýálıhanov atyndaǵy skverdi jáne Shevchenko kóshesi jaǵynan ǵımaratqa irgeles jatqan skverdi abattandyrý kózdelgen. Búgingi tańda jumystar 90%-ǵa oryndaldy. Shetinegen tas plıtkalar men irgetastardy qalpyna keltirý, granıtti jıekterdi tegisteý boıynsha jumystar júrgizildi, sondaı - aq qoldanystaǵy tas tplıtkalar tıisti túrge keltirildi», - dep atap ótti ol.
Onyń aıtýynsha, osyndaı jumystar Pýshkın kóshesiniń janyndaǵy Ǵylym Akademıasynyń ǵımaratyna irgeles alańda júrgizilýde. Bul joba «Halyq qatysatyn búdjet» baǵdarlamasy aıasynda júzege asyrylýda. Úsh gúlzar boıynsha jumystar jyl sońyna deıin aıaqtalady.
«Sondaı-aq, biz qala kórkiniń biri – «Kók Tóbe» telemunarasyn sáýlettik-kórkemdik jaryqtandyrýdy bezendirý boıynsha jumystardy josparladyq. Qurylys-montaj jumystarynyń bastalýy 2024 jyldyń qańtarynda, 2024 jyldyń mamyrynda aıaqtalady dep josparlanǵan», - dedi Erkebulan Orazalın.
«Samal -1» shaǵyn aýdanyndaǵy qoǵamdyq keńistikterdi damytylýda. 2023 jyldyń sońyna deıin «Jýrnalıser» skverin qaıta qurý jumystary júrgizilýde. Al «Alataý» shaǵyn aýdan turǵyndarynyń ótinishi boıynsha bıyl Ibragımov kóshesindegi kónkı parkiniń qurylysy bastaldy. Jumystar aǵymdaǵy jyldyń sońyna deıin aıaqtalady.
«Aıaqtalý satysynda turǵan taǵy bir joba – Dostyq dańǵylynan «Esentaı» ózenine deıingi Ospanov kóshesindegi jaıaý júrginshiler aımaǵy. Joba aıasynda biz uzyndyǵy 500 metrge jýyq trotýar jolyn keńeıttik. Jaıaý júrginshiler aımaǵynyń basty ereksheligi-80 sýretshiniń ondaǵan kórkem kompozısıalarymen bezendirilgen graffıtı qabyrǵasy boldy», - dedi Erkebulan Orazalın.
Avtorlardyń oıynsha, qabyrǵadaǵy sýretter qazaq álipbıiniń áripterin beıneleıdi: barlyq 42 tańba jalpy sújettik kompozısıaǵa engen. Jobany iske asyrý Almaty ákimdiginiń, Jobalyq keńse aıasynda shyǵarmashylyq zıaly qaýym ókilderimen - REPAS komandasynyń ókilderimen jáne «Almaty Creative Bureau» basshysy Krıstına Bekmýrzaevamen yntymaqtastyq arqasynda múmkin boldy.
Jalpy, jaıly qalalyq orta qurý úshin aǵymdaǵy jóndeý aıasynda 122 jobany iske asyrý aıaqtaldy. Búgingi tańda 80 aýla aýmaǵy abattandyryldy, 23 úıdiń qasbetteri jańartyldy, 13 jer ústi jáne jerasty jaıaý júrginshiler ótkeline jóndeý jumystary aıaqtaldy, 4 AVTO sýarý júıesi qaıta jańartyldy, qoǵamdyq keńistikti abattandyrý, gúlzarlar ornatyldy.
«Halyq qatysatyn Búdjet» baǵdarlamasy aıasynda 44 joba iske asyrylýda. Búgingi tańda 34 joba boıynsha jumystar aıaqtaldy, qalǵan 10 joba jyl sońyna deıin aıaqtalady.
«Jeke qarajat esebinen qyrkúıek aıynyń basynda «Kók Tóbe» saıabaǵyna deıingi uzyndyǵy 1,2 km jaıaý júrginshiler trotýaryn jaılastyrý jumystary bastaldy. Búgingi tańda jol salý jáne asfálttaý boıynsha negizgi jumystar atqaryldy. Kirý tobyn jaılastyrý, qaraý alańdaryn ornatý jáne jaryqtandyrý jumystary 2024 jyldyń kókteminde aıaqtalady», - dep tolyqtyrdy Medeý aýdanynyń ákimi.
Sondaı-aq, bıyl «Kók bazardy» jańǵyrtý jumystary bastaldy. Jelilerdi rekonstrýksıalaý júrgizilýde, al ortalyq kireberistiń aldynda beton jabyndysyn jańartý, tirek konstrýksıalaryn kúsheıtý jáne aýmaqty abattandyrý josparlanýda. Jumystardy 2025 jyldyń sońyna deıin aıaqtaý josparlanýda.