Óskemende tórtinshi qabattaǵy terezeden qulap ketken 14 jastaǵy jasóspirim jansaqtaý bóliminde jatyr, dep habarlaıdy almaty-akshamy.kz.
Oqıǵa 12 jeltoqsan kúni keshki ýaqytta qaladaǵy Nazarbaev dańǵylynda bolǵan. Kópqabatty úıdiń tórtinshi qabatyndaǵy terezeden jasóspirim qulap ketken.
Shyǵys Qazaqstan oblystyq densaýlyq saqtaý basqarmasy baspasóz qyzmetiniń málimetinshe, 14 jastaǵy jasóspirimdi shuǵyl túrde jedel járdem qyzmetkerleri Ana men bala ortalyǵyna jetkizdi. Qazirgi ýaqytta ol aýrýhanaǵa jatqyzylǵan.
"Balanyń bas súıegi jaralanyp, jilinshigi synyp ketken. Dárigerler onyń jaǵdaıyn aýyr dep baǵalap otyr. Naýqas qazir jansaqtaý bóliminde jatyr", - deıdi basqarmanyń baspasóz hatshysy Ásem Qaıratbek.Shyǵys Qazaqstan oblystyq densaýlyq saqtaý basqarmasy baspasóz hatshysy Ásem Qaıratbek
Ázirshe balanyń qalaı qulap ketkeni belgisiz. Oqıǵaǵa qatysty polısıa departamenti aqparat bermegen.