101 jańa avtobýs satyp alyndy.
Almaty ákimi Erbolat Dosaev ústimizdegi jyly Medeý aýdanyndaǵy jol ınfraqurylymy qalaı ózgergenin aıtty, dep habarlaıdy Almaty-akshamy.kz.
« Bıyl uzyndyǵy 27,2 km bolatyn 28 kóshedegi joldar ortasha jóndeýden ótti. Sondaı-aq, uzyndyǵy 18,1 km 12 kóshege trotýar salyndy. Kelesi jyly uzyndyǵy 55,5 km 39 kóshedegi joldarǵa ortasha jóndeý júrgizilip, uzyndyǵy 28,5 km 22 kóshege trotýar salyndy», - dedi qala basshysy.
Sonymen qatar, ákimniń aıtýynsha, bıyl 9 marshrýtty jańartý úshin 101 jańa avtobýs satyp alyndy.
«Búgingi tańda 4 marshrýttyń (№69 – 18 avtobýs, №201 – 24 avtobýs, №12 – 16 avtobýs, №71 – 10 avtobýs) avtobýstary jańartyldy, 5 marshrýttyń avtobýstary jyl sońyna deıin (№5, №5a, 5b, 5v – 8 avtobýs jáne №205 – 25 avtobýs) jańartylady. Bıyl qosymsha 1 marshrýt iske qosyldy (№100 – 34 avtobýs). Budan basqa kelesi jyly Qaldaıaqov kóshesinen «Geolog» baý-baqsha seriktestigine deıin 1 jańa marshrýt iske qosylady», - dedi Erbolat Dosaev.
2023 jyly aýdan aýmaǵynda 6 jańa aıaldama kesheni salynady . Osy aıdyń sońyna deıin 20 kósheni jaryqtandyrý jumystary aıaqtalady. Ákimniń aıtýynsha, Medeý aýdanynyń kóshelerine, onyń ishinde baý-baqsha seriktestigine - barlyǵy 86 kóshege 2025 jyldyń sońyna deıin tolyq jaryq júrgiziledi.