Qaýipsizdikti qamtamasyz etý maqsatynda adamdar kóp jınalatyn jerlerde 213 beınebaqylaý kamerasyjumys isteıdi.
Bul týraly búgin qala ákimi Erbolat Dosaevtyń Medeý aýdany turǵyndarmen kezdesýinde aıtyldy, dep habarlaıdy Almaty-akshamy.kz.
«Jyl sońyna deıin aýdan aýmaǵynda barlyǵy 355 kamera ornatylady, onyń ishinde Sizderdiń ótinishterińiz boıynsha Keńsaı shaǵyn aýdany men «BHB» jáne «Barvıha» barlarynyń janynda kameralar ornatyldy», - dedi Erbolat Dosaev.
Budan basqa, qazir joldardyń boıy men kóshe qıylystarynda 123 «Sergek» kamerasy bar (57-i jelilik ýchaskelerde, 66-y – kóshe qıylystarynda). Qosymsha taǵy 58 kamera ornatylady (45-i - jelilik ýchaskelerde, 13-i – kóshe qıylystarynda), jumystar 2023 jyldyń İİ-shi toqsanynda aıaqtalady.
Internet jáne mobıldi baılanys
«Ótken kezdesýlerde Keńsaı shaǵyn aýdanyndaǵy mobıldi baılanys pen Internettiń sapasyn jaqsartý máselesi kóterildi. Búgingi tańda «Ksell» mobıldi baılanys operatorynyń 2 bazalyq stansıasy kúsheıtildi. Sondaı-aq, «Beeline» jáne «Tele2» kompanıalary jyldyń sońyna deıin 2 stansıa ornatady», - dedi qala ákimi E.Dosaev.
Sondaı-aq «Meganet» jaýapkershiligi shekteýli seriktestigi Internettiń talshyqty-optıkalyq baılanys jelisiniń kabelderin júrgizýde. Montajdaý jumystary
2023 jyldyń IV-shi toqsanynda aıaqtalady.
Muztaý shaǵyn aýdanynda baılanys sapasyn jaqsartý boıynsha osyndaı jumystar júrgizilýde. Jyl sońyna deıin bir bazalyq stansıa jańǵyrtylady.