Bul týraly Almaty qalasynyń ákimi E.Dosaevtyń Medeý aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Búgingi tańda turaqty sý basatyn oryndardy joıý aıasynda 7 ýchaskede jumystar aıaqtaldy (Qonaev kóshesi – Áıteke bı kóshesi, ál-Farabı dańǵyly – Remızovka kóshesine burylys, Nazarbaev dańǵyly (shyǵys) – batysqa qaraı, Sátbaev kóshesi – Dostyq dańǵyly, ál-Farabı dańǵyly – Dostyq dańǵyly, Pýshkın kóshesi – Muhamedjanov kóshesi, Áıteke bı kóshesi – Nazarbaev dańǵyly). B-3 túrindegi jańa aryqtar salyndy, qubyr ótkelderi qaıta jańartyldy, jeliler kolektorǵa qosyldy, jańa qubyr ótkelderi men basqa da jumystar uıymdastyryldy.
Aryq jelilerin salý jáne qaıta jańartý jobasy sheńberinde qalanyń shyǵys bóliginde, ıaǵnı Medeý aýdanynda uzyndyǵy 3 shaqyrym bolatyn (Sazanovskaıa, Táttibekov, Tólebaev kóshelerindegi 2 ýchaske) 5 ýchaskede, onyń ishinde İńkárdarıa kóshesinde aryq jelisiniń qurylysy bastaldy (osy kóshede aryq jelisin uıymdastyrý jumystary búgingi kúni aıaqtaldy). Bul másele qyrkúıekte ótken kezdesý barysynda kóterildi. Jyl sońyna deıin 1 km salynady.
Osy joba sheńberinde 26 kóshede 23,6 shaqyrym aryq jelisin salý jáne qaıta jańartý qarastyrylýda. Jobany 2023 jyldyń aıaǵyna deıin aıaqtaý josparlanǵan. Bul aýdandaǵy aǵyndy sýlardyń aǵyp ketýin edáýir jaqsartýǵa jáne sý basqan jerlerdi joıýǵa múmkindik beredi.