Medeý aýdanynda oqýshy oryndarynyń tapshylyǵy máselesi qalaı sheshilip jatqandyǵy týraly aýdan ákimi Erkebulan Orazalın ÓKQ brıfıńi barysynda aıtyp berdi, dep habarlaıdy almaty-akshamy.kz
Búgingi tańda aýdan boıynsha 3 461 oqýshy oryndary jetispeıtindigi atap ótildi. Ony tómendetý maqsatynda tamyz aıynda №48 mektepke 250 oryndyq tolyqtyrýmen qaıta jańartý jáne №131 mektepti seısmıkalyq kúsheıtýmen kúrdeli jóndeý aıaqtaldy..
«Jalpy, biz 5 myń jańa orynǵa arnalǵan 8 jobany júzege asyrý ústindemiz. Bul seısmıkalyq kúsheıtý arqyly keńeıtý jáne kúrdeli jóndeý qurylysy. Tamyz aıynda №35 (300 oryndyq) jáne №99 (250 oryndyq) mektepterine keńeıtilgen 2 jobalyq-smetalyq qujattama boıynsha saraptamalyq qorytyndylar alyndy. Qurylys-montajdaý jumystaryn bastaý 2024 jyldyń 2 toqsanyna josparlanǵan», - dedi E.Orazalın.
Jeltoqsan aıynda aýdan ákimdigi №131 (300 oryndyq) jáne №168 (300 oryndyq) mektepterge bastaýysh synyptar úshin qosymsha ǵımarattar salýǵa eki jobalyq-smetalyq qujattama boıynsha saraptama qorytyndysyn alý kútilýde.
Sonymen qatar, №33, 161 jáne 17 mektepterdi seısmıkalyq kúsheıtý arqyly qaıta jóndeýge jobalyq-smetalyq qujattama ázirlenýde. №33 mektepke saraptama alyndy (21.08.2023), qurylys-montajdaý jumystary 2024 jyldyń 1 toqsanynda bastalady. №161 jáne №17 mektepteri boıynsha aqpan aıynda memlekettik saraptamanyń qorytyndysy shyǵyp, qurylys-montajdaý jumystary 2024 jyldyń 2 toqsanynda bastalady dep kútilýde.
«Jaıly mektep» jalpyulttyq jobasy aıasynda Qulja tas jolynyń ońtústiginde 2 myń oryndyq jańa mekteptiń qurylysy bastaldy.
Sondaı-aq, jeke ınvestorlar esebinen («MG City» JSHS, «Saba Group» JSHS) «Dýman» shaǵyn aýdanynda (1200 oryn) jáne Halıýllın kóshesi, 140 (300 oryn) boıynsha 1500 oryndyq eki mektep salý josparlanǵan. 3 joba boıynsha iske asyrý merzimi 2024 jyl. 2024 jyldyń qańtarynda «Ikigai School» jeke mektebiniń (260 oryndyq) sportzalynyń qosymsha qurylysy aıaqtalady.
Budan basqa, Bógenbaı batyr kóshesi, 42 mekenjaıy boıynsha №29 mektep úshin 300 oryndyq qosymsha qurylys salý úshin jer ýchaskesin satyp alý rásimderi júrgizilýde (satyp alýdy aıaqtaýdyń boljamdy merzimi osy jyldyń sońyna deıin).
Bıyl 500 oryndyq 10 jeke balabaqsha ashý josparlanýda. Búgingi tańda 450 oryndyq 9 balabaqsha ashyldy, 1 balabaqsha bıylǵy jyldyń sońyna deıin ashý josparlanýda.
№195 balabaqshany seısmıkalyq kúsheıte otyryp, kúrdeli jóndeýge JSQ ázirlendi. Aǵymdaǵy jyldyń 23 qazanynda oń qorytyndy alyndy. Qazirgi ýaqytta QMJ iske asyrý úshin qurylys basqarmasynyń balansyna (tapsyrys berýshige) berý rásimderi júrgizilýde.