17 km elektr jelileri boıynsha jumystar jyldyń sońyna deıin aıaqtalady.
Ázirshe 16,8 km elektr jelisin tartý jumystary aıaqtaldy, dep habarlaıdy Almaty-akshamy.kz
"Keńsaı", "Býtakovka" jáne "Kamenskoe plato" yqshamaýdandarynda jalpy uzyndyǵy 33,8 km elektr jelilerin qaıta jańǵyrtý jumystar júrgizilýde. Búginderi 16,8 km elektr jelisin tartý jumystary aıaqtaldy ("Býtakovka" y/a, "Kensaı" y/a, "Kamenskoe plato" y/a). Qalǵan 17 km elektr jelileri boıynsha jumystar aǵymdaǵy jyldyń sońyna deıin aıaqtalady.
«Bizdiń kezdesýlerimiz barysynda kóterilgen máselelerdi eskere otyryp, Medeý aýdanynyń 55 kóshesiniń tizbesi jasaldy. Olar boıynsha syrtqy jaryqtandyrý jelilerin júrgizý qajet. Aǵymdaǵy jyldyń sońyna deıin 18 kóshe boıynsha tıisti jumystar júrgiziletin bolady (Talǵar jáne Qulja joldary arasyndaǵy 5 shaqyrym kóshe, Dostyq dańǵyly, Jamaqaev kóshesi, 11-úı, Rýbınshteın kóshesi, Kazachka ózeni, Daýyr kóshesi, Gornaıa kóshesi, Jarkent kóshesi, Ájibaı batyr kóshesi, Observatorıa kóshesi, Sársenbaev kóshesi Kensaı-2 zıratyna qaraı, Ivanılov kóshesi,, Jamaqaev kóshesi, 254 úı, Zapadnaıa kóshesi, Shoqaı kóshesi,Sultanǵazın kóshesi, Ońdasynov kóshesi, Halıýllın kóshesi). Qalǵan kósheler boıynsha jumystar 2023 jyly aıaqtalady», - dedi búgin Medeý aýdanynyń halqymen kezdesken qala basshysy Erbolat Dosaev.