Bul týraly qala ákimi E. Dosaev Medeý aýdany turǵyndarymen kezdesýinde aıtty, dep habarlaıdy Almaty-akshamy.kz.
Densaýlyq salasyndaǵy túıtkildi máselelerdi sheshý úshin Medeý aýdanynda birqatar jumystar júrgizilýde. «Keńsaı» yqshamaýdanynda aýysymyna 120 kelýshige arnalǵan jańa otbasylyq-dárigerlik ambýlatorıa salynýda. Atalǵan nysan bıylǵy jyldyń sońyna deıin paıdalanýǵa beriledi. «Alataý» yqshamaýdanynda qalalyq aýrýhananyń seısmoturaqtylyǵyn kúsheıte otyryp, kúrdeli jóndeý júrgizýge Jobalaý-smetalyq qujattama (JSQ) ázirlenedi. Jobalaý-smetalyq qujattamany aıaqtaý 2023 jyldyń III toqsanyna josparlanýda.
«Dýman» yqshamaýdanynda aýysymyna 500 oryndyq jańa emhana salynady. Qurylys-montajdaý jumystaryn 2023 jyldyń İİİ toqsanynda bastaý josparlanyp otyr.
Sondaı-aq, «Gornyı gıgant» yqshamaýdanynda bıyl aýysymyna 400 kelýshige arnalǵan emhanasy jáne ambýlatorıalyq hırýrgıa ortalyǵy bar «Mediker Hospital International» jekemenshik klınıkasynyń qurylysy aıaqtaldy.