Óńirlik komýnıkasıalar qyzmetindegi aýdan ákimi Erkebulan Orazalınniń baıandamasyna qaraǵanda, turǵyndardyń demalysyna qolaıly jaǵdaı jasaý úshin bıylǵy shilde aıynda «Terrenqur»-dyń 3,4 ga aýmaǵyn 1,5 mlrd teńgege jańartý jobasy aıaqtalyp, balalar men sport alańdary salynypty.
2025 jyldyń maýsymynda Pýshkın kóshesin 2,9 mlrd teńgege (Raıymbek batyr dańǵylynan Gogol kóshesine deıin) , Dostyq dańǵylyn 2,5 mlrd teńgege (Abaı dańǵylynan Ál-Farabı dańǵylyna deıin) abattandyrý jumysy bastaldy. Osy jobanyń aıasynda jol jańartylyp, velojoldar, sport pen serýendeý aımaqtary jabdyqtalyp, aýmaqty túgel kógaldandyryp shyqpaq. Jumys 2025 jyldyń sońyna deıin aıaqtalady.
«Aýdandaǵy mańyzdy nysannyń biri «Kók bazardy» jańǵyrtýdy da qolǵa aldyq. Bıyl jalpy kólemi 5 300 sharshy metr bolatyn qasbetin jańartyp, 3 160 sharshy metr aýmaqta abattandyrý jumysy júrgiziledi. Sonymen qatar, qoǵamdyq kólik aıaldamasy da jańartylyp, 5 veloturaq ornatylady. Bul jumysty júzege asyrýǵa 1,8 mlrd teńge kóleminde ınvestısıa tartylyp, jobany 2026 jyly aıaqtaýdy josparlap otyrmyz», - dedi aýdan ákimi.
2025 jyly «Halyq qatysatyn búdjet» baǵdarlamasynyń aıasynda 34 jobany iske asyrýǵa 2 mlrd teńge bólinipti. Osy jobanyń aýqymynda barlyǵy 650 usynysty qarap shyqqan. Mamyr aıynan aldaǵy qyrkúıekke deıin 17 aýla men 17 qoǵamdyq keńistikti abattandyryp, 4 jerde avtomatty sý júıesin ornatýdy josparlap otyrǵandaryn jetkizdi aýdan basshysy.
Sonymen birge, bıyl ádettegi jóndeý jumysyna 500 mln teńge bólingen. Qarasaı batyr kóshesiniń jaıaý júrginshiler aımaǵy (Dostyq dańǵylynan Nazarbaev dańǵylyna deıin) abattandyrylady, sondaı-aq Shevchenkodan Qabanbaı batyr kóshesine deıingi aralyqtaǵy Ýálıhanov býlvarynda da jumys qyzyp, Raqymjan-Radlov kóshesiniń buryshyndaǵy bos turǵan Batys aınalma jolynyń ýchaskesi de jóndeýden ótpek.
Bıylǵy mamyr aıynda 2,6 mlrd teńge somasyna 60 aýlanyń aýmaǵy kúrdeli jóndeýden ótedi. Bular jaıly ári qaýipsiz orta qalyptastyrýǵa baǵyttalǵan. Jobany aıaqtaý 2025 jyldyń qazan aıyna josparlanyp otyr.