Medeý aýdanynda jańa oqý oryndaryn quryp, qoldanystaǵy mekteptiń jaǵdaıyn jaqsartýdy kózdeıtin júıeli jumys istelip jatyr. Óńirlik komýnıkasıalar qyzmetinde ótken baspasóz konferensıasynda Medeý aýdanynyń ákimi Erkebulan Orazalın osylaı dedi.
Qyrkúıek aıyna deıin Qulja tas jolynyń ońtústiginde 2 000 oryndyq jańa mekteptiń qurylysy bitpek. Sonymen qatar, 599 orynǵa arnalǵan jeke mektep te salynyp jatyr. Endi taǵy eki jeke mekteptiń – «Dýman» shaǵyn aýdanyndaǵy 1 200 oryndyq, ekinshisi – Halıýllın kóshesindegi 300 orynǵa arnalǵan mekteptiń qurylysy bastalady. Osylaısha, keler jyldyń sońyna deıin aýdanda jańadan 4 099 oryn paıdalanýǵa berilmek.
Jańa mekteppen qatar, qoldanystaǵy bilim berý mekemelerin keńeıtý jaǵy da qolǵa alynǵan. Jyl sońyna deıin №35 mektepke (300 oryn), №99 mektepke (250 oryn), NISH mektebine (320 oryn), №131 mektepke (300 oryn) qosymsha ǵımarat salynyp bitedi.
Úsh oqý ornynda kúrdeli jóndeý jumystary júrgizilip jatyr. №33 pen №161 mekteptegi jóndeý jumysy bıylǵy qyrkúıekte aıaqtalady. «Samal» shaǵyn aýdanynda ornalasqan №30 mektepti «Kásipkerler mektebi» jobasymen biriktirip, sonyń arqasynda qosymsha 400 oqýshy orny ashylmaq. Jóndeý jumysyn 2026 jyldyń qyrkúıegine deıin, bilim berý jobasyn bıyldyń sońyna deıin aıaqtaý josparlanǵan.