28 tamyzda, 2025/26 maýsymyndaǵy Lıga chempıondarynyń negizgi kezeńine jerebe tartý rásimi ótti, dep habarlaıdy Aqshamnews.kz.
Jerebe tartýǵa 36 klýb qatysty, olardyń qatarynda almatylyq «Qaırat» bar. Bul - klýb tarıhyndaǵy alǵashqy negizgi kezeńge joldama.
«Qaırat» jerebe tartý aldynda tórtinshi sebetke tústi.
Onyń birinshi qarsylasy - «Real Madrıd». Klýb Almatyǵa keledi.
Al ekinshi qarsylasy - ıtalıalyq «Inter» fýtbol komandasy. Bul joly «Qaırat» Italıaǵa qonaqqa barady.
Kelesi qarsylasy - «Arsenal». «Qaırat» Ulybrıtanıaǵa, Londonǵa barady.
Tórtinshi qarsylasy - «Brúgge». Belgıalyq fýtbol klýby Almatyǵa keledi.
Besinshi qarsylasy - «Sportıng», Lıssabon, Portýgalıa. «Qaırat» qonaqqa barady.
Altynshy qarsylasy - «Olımpıakos», grekıalyqtar Almatyǵa keledi.
Jetinshi qarsylasy - «Pafos», kıprlyqtar Almatyǵa keledi.
Sońǵy qarsylasy - «Kopengagen», «Qaırat» Danıaǵa qonaqqa barady.
Kúntizbe 30 tamyzda jarıalanady.
Aıta keteıik, alǵashqy sebetke túsken qarsylastardyń qatarynda álemdik fýtboldyń alyp klýbtary bar: «PSJ», «Real Madrıd», «Manchester Sıtı», «Bavarıa», «Lıverpýl», «Inter», «Chelsı», «Borýssıa Dortmýnd» jáne «Barselona».
Jerebe tartý rásiminiń tikeleı kórsetilimi Qazsport telearnasynan kórsetildi.
Eske salaıyq, almatylyq komanda Lıga chempıondarynyń pleı-off kezeńindegi jaýapty machta shotlandıalyq «Seltıkpen» teń oınaǵan bolatyn (0:0). Nátıjesinde «Qaırat» penaltı serıasynda 3:2 esebimen jeńiske jetip, qaqpashy Temirlan Anarbekovtyń erligi arqasynda negizgi kezeńge ótti.