«Keleshek mektepteri – múmkindikter mekeni»

«Keleshek mektepteri – múmkindikter mekeni» Almaty ákimdigi

Elimizde Memleket basshysynyń bastamasymen «Keleshek mektepteri» ulttyq jobasy qarqyndy túrde iske asyrylýda. «Keleshek mektepteri» jobasynyń júıelik sheshimi -  apatty jáne úsh aýysymdy  mektepterdi jáne qala men aýyl arasyndaǵy bilim alshaqtyǵyn joıý.

Atalmysh ulttyq joba aıasynda jyl sońyna deıin beriletin 100 jaıly mekteptiń biri Almaty oblysy, İle aýdany, Ashybulaq aýyldyq okrýgi, Muhamedjan Túımebaev aýylynda №3 orta mektepte bir aýysymda 900 oqýshy bilim ala alady. Jańa ǵımarat bilim esigin 2025 jyldyń 01 qyrkúıek kúni ashady.

Bul bilim ordasynda oqýshy qajettilikterine tolyq baǵdarlanǵan yńǵaıly jáne ergonomıkalyq orta qurý. Mundaı bilim oshaqtarynda zamanaýı beınebaqylaý jáne mektepke kirip-shyǵýdy qadaǵalaý júıelerin ornatý arqyly balalar qaýipsizdigine erekshe nazar aýdarylady. Sonymen qatar bastaýysh jáne joǵary synyp oqýshylaryna arnalǵan bloktardyń bólek bolýy qaýipsiz ári jaıly ortany qamtamasyz etedi.

Kedergisiz orta qurý maqsatynda pandýstar, jedelsatylar, erekshe qajettilikteri bar balalar erkin qozǵala alatyndaı arnaıy sanıtarlyq bólmeler qarastyrylǵan. Resýrstyq kabınetter jáne mamandandyrylǵan synyptar bar.

Atalǵan joba aıasynda salynǵan mektepburynǵy tıptik mektepterden edáýir erekshelenedi. Jalpy aýmaǵy 15–20%-ǵa úlken, al tehnıkalyq jabdyqtalý deńgeıi tórt ese joǵary. Bul mektepte robototehnıka kabıneti, STEM-zerthana, horeografıa zaly, kovorkıng aımaqtary men tórt sport zalǵa deıin qarastyrylǵan.

Keleshek mektepteri – bul jaı ǵana mektep ǵımarattary emes, bul – bolashaqqa jasalǵan berik ınvestısıa. Bilim – ulttyń irgetasy, al bul mektepter sol irgetasty nyǵaıtatyn basty tirek bolmaq.

 

Sizdiń reaksıańyz?
Unaıdy
1
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24