Jūmabaev kóshesí, 23b mekenjaıyndaǵy kafe janynda salynǵan qosalqy nysan sot sheshímí boıynsha būzylatyn boldy, dep habarlaıdy qalalyq Qala qūrylysyn baqylau basqarmasy.
Jospardan tys tekseru barysynda menshík ıesíníń (jeke tūlǵa) rūqsat qūjattarynsyz, qosalqy nysandy zańsyz salǵany anyqtaldy.
Menshík ıesíne qatysty ákímshílík shara qabyldandy, keıín ístí qalanyń ákímshílík qūqyq būzushylyq jóníndegí Mamandandyrylǵan audanaralyq soty qarady.
2025 jylǵy 27 mausymda Mamandandyrylǵan audanaralyq sot menshík ıesín kínálí dep tauyp, zańsyz tūrǵyzylǵan qūrylysty būzu jónínde qauly qabyldady.
Sot sheshímín oryndau maqsatynda qūrylys menshík ıesíníń kúshímen tolyqtaı būzyldy.
Almatyda zańsyz salynǵan kezektí qosalqy nysan súrílíp jatyr
