Dene qozǵalysyna negizdelgen terapıa mazasyzdyqty azaıtýǵa kómektesedi.
Bul týraly psıholog Alısa Reshetnıkova RuNews24.ru portalyna bergen suhbatynda aıtty, dep habarlaıdy aqshamnews.kz.
Dene qozǵalys terapıasy — adamnyń psıhıkasyna dene arqyly, ıaǵnı sanaly qozǵalys pen denelik sezimder arqyly áser etetin tásil. Reshetnıkova bı qozǵalystary adamnyń beısanalyq qorǵanys mehanızmderin aınalyp ótip, shynaıy emosıalarmen tikeleı jumys isteýge múmkindik beretinin túsindirdi.
«Bı kezinde ishimizde tunshyǵyp qalǵan ashý, renish, qaıǵy sıaqty sezimderdi shyǵara alamyz. Bul – emosıalarymyzdy qaýipsiz jolmen bosatýǵa múmkindik beredi», — deıdi ol.
Mamannyń aıtýynsha, bul terapıa ózin qabyldaýǵa, jeke shekaralardy tanýǵa jáne adamnyń óz qajettilikterin túsinýge kómektesedi. Sonyń arqasynda adamnyń ishki jaı-kúıi jaqsaryp, ýaıym azaıyp qana qoımaı, basqa adamdarmen qarym-qatynasy da túzeledi. Bul ádis úreıli shabýyldardan, tamaqtaný buzylystarynan, qarym-qatynas máselelerinen, sozylmaly sharshaý men kúızelisten zardap shegetin adamdarǵa qolaıly.