Qazgıdromet sınoptıkteri 2 maýsym, jeksenbige arnalǵan aýa raıy boljamyn jarıalady.
Qazaqstan terıtorıasynyń basym bóligine áli de atmosferalyq fronttar óz áserin tıgizedi, dep habarlaıdy Almaty-akshamy.kz.
Osyǵan baılanysty kún kúrkirep, jańbyr jaýady, kúndiz shyǵysta qatty jaýyn bolady.
Tek elimizdiń ońtústiginde antısıklon áserinen jaýyn-shashynsyz aýa raıy saqtalady.
Respýblıka boıynsha jel kúsheıedi, soltústikte, ońtústik-batysta túngi jáne tańerteńgi ýaqytta tuman túsedi.
Atyraý, Batys Qazaqstan, Qyzylorda, Mańǵystaý oblystarynda, Túrkistan oblysynyń ortalyǵy men soltústik-shyǵysynda, Jambyl oblysynyń soltústik-batysynda, ońtústik-shyǵysynda, Qostanaı oblysynyń ońtústiginde, Aqtóbe oblysynyń soltústiginde, batysy men ońtústiginde, Qaraǵandy, Ulytaý oblystarynyń ońtústiginde joǵary órt qaýpi bar.
Túrkistan, Atyraý, Qyzylorda, Batys Qazaqstan oblystarynda tótenshe órt qaýpi saqtalady.