Fantasıka, komıkster men kórkem ádebıet.
Elimipdegi balalar osyndaı janrlardaǵy kitaptardy oqıdy eken. Ol Mádenıet jáne aqparat mınıstrliginiń 249 balalar kitaphanasy arasynda oqyrmandar suranysy boıynsha júrgizgen taldaýy nátıjesinde belgili boldy, dep habarlaıdy Almaty-akshamy.kz.
Bıyl jas oqyrmandar sany 1 733 686 adamǵa jetti.
Saýalnama nátıjesi boıynsha balalardyń kitaphanaǵa degen qyzyǵýshylyǵy artyp keledi, olar ásirese fantasıka, komıkster men kórkem ádebıet oqyǵandy unatady.
Eń kóp oqylatyn kitaptar — Berdibek Soqpaqbaevtyń «Balalyq shaqqa saıahat», «Meniń atym Qoja», Saıyn Muratbekovtiń «Jabaıy alma», Joan Roýlıńniń «Hárrı Potter» jáne Mark Tvenniń «Tom Soıer» shyǵarmalary boldy.
Baıanǵalı Álimjanov, Tolymbek Ábdiraıym, Zıra Naýryzbaeva, Serikbol Hasan, Zaýre Tórehan jáne basqa avtorlardyń shyǵarmalaryn balalar qyzyǵýshylyqpen oqyǵan.
Balalar súıip oqıtyn basylymnyń biri — komıkster.
Jas oqyrmandar Ularbek Nurǵalymulynyń «İlıas pen Zańǵardyń plansheti», Orazhan Jaqyptyń «Erketaı», İlıas Iýsýftyń «Kereı men Jánibek» shyǵarmalaryn, sondaı-aq Maık Barfıldtiń «Komıkstegi álem tarıhy», «Komıkstegi jaratylystaný» aýdarmasyn unatady.
Qazaq ertegileri men álem halyqtarynyń ertegileri boıynsha «Qazaq jáne álem halqynyń ertegileri», «Avtorlyq ertegiler», «Alataý ertegileri» «Tańdaýly ertegiler», Charlz Perro men Aǵaıyndy Grımmderdiń ertegileri kóp suralady.
Aıta keteıik, Qazaqstandaǵy balalar kitaphanalarynyń qyzmeti balany tárbıeleýge, bilim berýge, aqparattandyrýǵa jáne tulǵalyq damytýǵa baǵyttalǵan.