Mamandar maýsym ystyq ári qurǵaq bolady dep boljap otyr.
«Qazgıdromettiń» málimetine sáıkes, respýblıkanyń basym bóliginde ortasha aılyq temperatýra bir-eki gradýsqa kóterilip, keı aımaqtarda jaýyn-shashyn mólsheri azaıady, dep habarlaıdy Almaty-akshamy.kz
«Qazgıdromet» boljamy boıynsha, respýblıkanyń basym bóliginde ortasha aılyq temperatýra bir-eki gradýsqa kóterilip, keı aımaqtarda jaýyn-shashyn mólsheri azaıady. Al sý tasqyny bolǵan óńirlerde meteorologtar ylǵal topyraqqa tereń enip ketkenin aıtyp, ol aımaqtarǵa da qýańshylyq qaýpi tónip turǵanyn eskertti.
«Atmosferalyq qurǵaqshylyq Qostanaı oblysynyń Amangeldi jáne Jangeldi aýdandarynda, Qaraǵandy oblysynyń Shet aýdanynda, Mańǵystaý oblysynyń Mańǵystaý jáne Qaraqıa aýdandarynda, Batys Qazaqstan oblysynyń Kaztalov aýdanynda boljanady», -dedi «Qazgıdromet» RMK argometeorologıalyq boljam basqarmasynyń basshysy Qamar Sálıeva.
Mamandar maýsym aıynda ortalyq, soltústik jáne shyǵys óńirlerde synap baǵanasy 30-38 gradýsqa deıin joǵarylaıdy dep otyr. Biraq jaz boıy ystyq bolmaıdy eken. Aptap ystyq ta aptalap turmaıdy deıdi sınoptıkter. Al jaýyn-shashyn mólsheri Qyzylorda oblysy men batys aımaqtardan ózge óńirlerde qalypty deńgeıde bolmaq.