Aı saıyn 12 bala em alady.
Ár 10 kún saıyn 180 bala ońaltý kýrsynan ótedi, dep habarlaıdy Almaty-akshamy.kz
Ózbekstannyń belgili kásipkeri týa bitti sal aýrýyna shaldyqqan qazaqstandyq balǵyndardy óziniń ońaltý ortalyǵynda tegin emdeıdi, dep habarlaıdy Almaty-akshamy.kz 24.kz arnasyna silteme jasap.
Eki el arasyndaǵy óńirlik yntymaqtastyqty nyǵaıtý maqsatynda Ózbekstannyń iri kompanıalar tobynyń basshysymen serebraldy sal aýrýyna shaldyqqan balalardy emdeý týraly memorandýmǵa qol qoıyldy.
Bastama Qazaqstannyń Samarqandtaǵy bas konsýldyǵy arqyly júzege asyp otyr. Samarqandtaǵy klınıkada aı saıyn 12 bala em alady. Ár 10 kún saıyn 180 bala ońaltý kýrsynan ótedi.
"Aıyna tegin 12 bala jáne olardyń janynda júretin ata-anasy tegin em alady. Ózbekstan tarapy shekaralas oblystarymyzda turatyn bizdiń azamattarymyzǵa jatatyn jerleri, tamaqtandyrý, dári-dármekpen qamtamasyz etý kómegin de kórsetedi. Óıtkeni jol-pulyn olar ózderi kóteredi", - dedi Qazaqstannyń Samarqandtaǵy bas konsýly Baýyrjan Dosmanbetov.