Bul - elimizdegi Ulttyq komısıanyń tujyrymy.
Soǵan sáıkes, júktiliktiń 40%-y josparlanbaǵan, dep habarlaıdy Almaty-akshamy.kz
Prezıdent janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń otyrysynda jasóspirim qyzdarǵa medısınalyq qyzmet kórsetý jáne fertıldi jastaǵy áıeldermen akýsherlik-gınekologıalyq qyzmettiń jumysy máseleleri qaraldy.
Senator Lázzat Qaltaeva otyrysqa qatysýshylardyń nazaryn múgedektigi bar áıelderge medısınalyq qyzmet kórsetýdiń problemalyq máselelerine aýdardy.
Ulttyq komısıanyń múshesi, qoǵam qaıratkeri Toǵjan Qojaly shalǵaıdaǵy aýyldardaǵy áıelderge kómek kórsetetin akýsherlik-gınekologıalyq qyzmet jumysyndaǵy birqatar problemalardy atap ótti.
Óńirlerdegi aýyldyq aýrýhanalarǵa, feldsherlik pýnktterge baryp osy máselelerdi egjeı-tegjeıli zerdelegen Ulttyq komısıa músheleri densaýlyq saqtaý menedjerlerimen, dárigerlermen jáne pasıenttermen kezdesýler barysynda áıelderdiń reprodýktıvti densaýlyǵyn qorǵaý úshin ınfraqurylymnyń úzdiksiz jumys isteý máselesine nazar aýdardy.
Áıelder konsýltasıalaryna, perzenthanalarǵa, otbasyn josparlaý kabınetterine, aýyldyq aýrýhanalarǵa, jastar densaýlyq ortalyqtaryna ádistemelik kómek kórsetý qajettiligi bar.
Otbasyn josparlaý kabınetteriniń jetkilikti sanyna qaramastan, júktiliktiń 40%-y josparlanbaǵan, al pregravıdarlyq daıyndyqtan ótken juptardyń úlesi 30%-dan aspaıdy. Osy turǵyda atalǵan jumysty uıymdastyrýdyń tásilderin qaıta qaraý usynyldy.
Ulttyq komısıa tóraǵasy Densaýlyq saqtaý mınıstrliginiń jergilikti atqarýshy organdarmen, oqý-aǵartý, ǵylym jáne joǵary bilim mınıstrlikterimen birlesip fertıldi jastaǵy qyzdar men áıelderdiń densaýlyǵyn saqtaý, jasóspirimderdiń reprodýktıvti densaýlyǵyn nyǵaıtý, sondaı-aq jastardy sanaly ata-ana bolýǵa daıyndaý jóninde sharalar keshenin qabyldaý qajettigin atap ótti.