Memleket basshysy Qasym-Jomart Toqaevtyń bastamasymen 6 qazanda elimizde AES salý máselesine qatysty respýblıkalyq referendým ótedi.
Atom elektr stansıasy – Qazaqstannyń ekologıalyq jáne energetıkalyq bolashaǵyn qamtamasyz etýdegi strategıalyq mańyzy bar sheshim.
AES kómirqyshqyl gazynyń shyǵaryndylaryn jáne kómirge táýeldilikti azaıtýdyń eń tıimdi joldarynyń biri bolyp tabylady. Onyń kómir elektr stansıalarynan basty aıyrmashylyǵy – qorshaǵan ortany ýly gazdarmen, kúlmen nemese zıandy qaldyqtarmen lastamaıdy.
Atom energetıkasy turaqty, senimdi jáne ekologıalyq taza energıa kózi retinde elimizdiń ekonomıkasyn damytyp, energetıkalyq qaýipsizdigin nyǵaıtýǵa septigin tıgizedi.
Sonymen qatar, AES salý jańa tehnologıalardy engizip, joǵary bilikti mamandar daıarlaýǵa, jańa jumys oryndaryn ashýǵa múmkindik beredi.
Bul elimizdiń bolashaqtaǵy turaqty damýyna aıtarlyqtaı úles qosady.
Atom energıasy – turaqtylyq pen ekonomıkalyq ósýge kepil bola alatyn basty energıa kózi.