Otandyq dárigerler alǵash ret sıntetıkalyq protezben baýyr transplantasıasyn jasady
Tabıǵı tamyr ornyna jasandy qan ótkizgishter qoıyldy. Astanadaǵy Ulttyq ǵylymı onkologıa ortalyǵynyń mamandary kúrdeli operasıany sátti aıaqtady, dep habarlaıdy Almaty-akshamy.kz Qazaqstan.tv saıtyna silteme jasap.
30 jastaǵy Móldirdiń baýyry aýyrǵanyna 7 jyl. Dıagnozy - alveokokoz. Iaǵnı, ishke túsken parazıt baýyrdy túgeldeı jep, ót joly men qan tamyrlardy qysyp tastaǵan. Keıin júrekke jete bastaǵan. Osy ýaqytqa deıin naýqasqa 4 operasıa jasalǵan. Biraq, olardyń bári baýyrdyń jumysyn ýaqytsha jaqsartýdyń qamy edi. Al, osy joly janyna batqan dertten tolyq aıyqty.
«2016 jyly jaz aıynda qoıylǵan bolatyn dıagnoz. Tek qana transplantasıa jasaýǵa bolady. Trýpnyı donordan dedi. Rodstvennyıdan jasaýǵa kelmeıdi degen bolatyn ol kezde. Ol kezde mundaı praktıka bolǵan joq. Sol kezde biz lıst ojıdanıaǵa turdyq. Biraq, 7 jyl ishinde maǵan sáıkes tabylmady», - deıdi Astana qalasynyń turǵyny Móldir Mustafına.
Baýyrmal aǵa
Al bıyl Móldirge týǵan aǵasy baýyrynyń 65 paıyzyn bergen. Ózi 35 paıyz baýyrmen ómir súrip júr. Biraq, aǵza tez ósip, 3 aı ishinde qaıta qalpyna keledi.
«Meniń qanym toby qaryndasymmen birdeı daje salmaq bári keletin bolypty. Ózim 1 aýyzdan sheshim qabyldadym. Ol baýyr degen ósedi, ósip ketedi. Ol qaryndasymnyń amanshylyǵyn oıladym, artynda bala-shaǵasy bar», - deıdi aǵasy Ramıl Mustafın.
Qazaqstanda baýyr transplantasıasy 2013 jyly bastalǵan. Búginge deıin 70 ota jasalǵanymen, operasıanyń osy túri alǵash ret. Óıtkeni, bul joly tek baýyr emes, tamyrlar da aýystyryldy. Jasandy sıntetıkalyq protezder Úndistannan alynǵan. Operasıa qıyn bolǵasyn sol elden maman shaqyryldy.
«Men osyǵan uqsas 20-dan astam operasıaǵa qatystym. Munyń qıyndyǵy júrek qyzmeti men júrek-ókpe aınalymyn ýaqytsha toqtatý kerek. Ol úshin bizge kardıohırýrgıa ortalyǵynyń mamandary kómekke keldi. Qazaqstandaǵy alǵashqy jumys sátti aıaqtaldy. Endi turaqty túrde jasaýǵa bolady», - deıdi úndistandyq dáriger Selvakýmar Naganahan.
Úndistandyq mamannyń sózinshe, ol jaqta jylyna 3 myńdaı baýyr transplantasıasy jasalady. Qazaqstanda da baýyr dertine shaldyqqandar kóp. Aýrý alǵashynda bilinbeıtindikten, olar kóbine dárigerge kesh qaralady.
«Qazaqstanda epıdemıologıcheskıı regıon deıdi. Bizde veterınarlyq jumystar qazir onsha jóndi jumysta emes. Ihonokok, alvekok olar kóbinese túlkide, ıtte bolady. Solardan adamǵa juǵady. Veterınarnyı slýjba sonyń jumysy kóterip, ańdardyń sanyn azaıtyp, solardan emdeý kerek menińshe», - deıdi medısına ǵylymdarynyń doktory Toqan Sultanalıev.
Basqa aǵzalarǵa qaraǵanda baýyrdy aýystyrý qıyn. Basty másele donor jetispeıdi. Óıtkeni, qan toby sáıkes kelýi kerek. Biraq, qazir qan toby basqa bolsa da, baýyrdy aýystyrý múmkindikteri qaralyp jatyr,-deıdi mamandar. Al, qaıtys bolǵan adamnyń aǵzasyn alý úshin týysynyń ruqsaty kerek. Bul jumysty sozbalańǵa salady, onyń ústine kóbi kelispeıdi. Sol sebepti, byltyr 2 operasıa ǵana jasalsa, bıyl 1-aq adamnyń baýyry aýystyrylǵan. Al, Móldir sıaqty 350 adam kezekte tur.