Bul barlyq deńgeıdegi máslıhattarǵa qatysty.
Ulttyq ekonomıka vıse-mınıstri Baýyrjan Omarbekovtiń aıtýynsha, máslıhattarǵa qosymsha ókilettikter berilmek, dep habarlaıdy Almaty-akshamy.kz
Spıkerdiń sózinshe, elde máslıhattardyń mártebesin arttyrý maqsaty kózdelip otyr.
"Barlyq deńgeıdegi máslıhattarǵa qosymsha ókilettikter beriletin bolady. Atap aıtqanda, ákimderdiń halyqpen kezdesýlerinde kóterilgen problemalardy sheshýine monıtorıń júrgizý, depýtattardyń ákimdiktiń búdjettik komısıalarynyń jumysyna qatysýy, qajet bolǵan jaǵdaıda búdjetti naqtylaýǵa bastamashylyq jasaý quqyǵyn berý. Sondaı-aq, máslıhat tóraǵasynyń jáne máslıhat apparaty basshysynyń ákimshilik jáne uıymdastyrý máseleleri boıynsha ókilettikteri qaralǵan", - dep atap ótti Ulttyq ekonomıka vıse-mınıstri.